دادو ۾ ايجوڪيشن ورڪس جو اڳوڻو رٽائرڊ اسٽينيوگرافر سراپا احتجاج

views | 06th Sep 2023 • سنڌي خبرون

بااثر مون کي مختلف طريقن سان بليڪ ميل ڪري رھيا آھن: شبير سولنگي

دادو ۾ ايجوڪيشن ورڪس جو اڳوڻو رٽائرڊ اسٽينيوگرافر سراپا احتجاج

دادو (عبدلعزيز ٻٻر) ۔ايجوڪيشن ورڪس دادو جو اڳوڻو رٽائرڊ اسٽينيوگرافر شبير سولنگي سنڌ پريس ڪلب دادو ۾ احتجاج ڪندي دانهيو ته سندس برادري جا ماڻهو الهڏنو عرف پوڙهو ۔محمد عيسن پٽ الهڏنو ۔محمد جمن پٽ محمد عيسن ۔عورتن مسمات نظيران زال الهڏنو عرف پوڙهو سولنگي ۽ ٻين جي خلاف احتجاج ڪندي دانهيو ته سمورا گهر ڀاتي مونکي مختلف طريقن سان بليڪ ميل ڪري رهيا آھن پهريان به هنن منهنجي پٽ جو ڪوڙو نڪاح نامو ٺهرائي مونکي بليڪ ميل ڪري 5 لک روپيا ورتا ۔جنهن جو دستاويز موجود آھن هن چيو ته ساڳين ماڻهن کان مون زمين ۽ جڳهه خريد ڪئي هئي جنهن ۾ مان هنن کي 39 لک روپيا ڏئي چڪو آهيان جوابدار منهنجا پيسئا ڦٻائڻ لاء ڪوڙا الزام هنڻي رهيا آھن هو وقتن به وقتن تي بليڪ ميل ڪندا رهن ٿا هن چيو ته هو منهنجي خلاف وقتن تي ميڊيا تي غلط الزام لڳائي رهيا آھن جنهن جي ڪري منهنجي ڪردار ڪشي ٿي رهي آھي هن ايس ايس پي دادو ۽ ڊي سي دادو کان نوٽيس وٺي انصاف جو مطالبو ڪيو آھي