نوشهروفيروز ۾ ڳوٺ دوست محمد راڄپر واسي عورتن جو بااثرن خلاف احتجاج

هفتو اڳ نويد راڄپر منهنجي نُنهن مسمات گلزار راڄپر کي ساٿين سان گڏجي اغوا ڪيو: بشيران راڄپر

نوشهروفيروز (ڊ ر) ڳوٺ دوست محمد راڄپر جي رهواسي عورتن پريس ڪلب پهچي صحافين آڏو ڳوٺ جي بااثرن ۽ نوشهروفيروز پوليس جي ظلمن خلاف دانهيندي پيرسن عورت بشيران راڄپر چيو آهي ته هڪ هفتو اڳ جوابدار نويد راڄپر منهنجي نُنهن مسمات گلزار راڄپر کي پنهنجي ساٿين سان گڏ اغوا ڪري ويو جيڪو نوشهروفيروز ۾ پڪڙجي پيو ته تر جي وڏيرن مرزاخان راڄپر , محبوب راڄپر , ڊاڪٽر عبدالفتاح راڄپر وارن راڄوڻي ڪري جوابدار کي ڏوهي ڪيو ۽ فيصلي ۾ هڪ لک روپيا چٽي رکي جنهن تي عمل ڪرڻ بجاء جوابدار ڌر اسان جي گهر تي حملو ڪري اسان مٿان تشدد ڪيو جنهن ۾ اسان سڀ عورتون زخمي ٿي پيون سين هن چيو ته اسان نوشهروفيروز پوليس وٽ دانهي ٿيا سين ته حملي جو ڪيس جوابدارن نويد راڄپر , خالد راڄپر , يحيا راڄپر , طارق ۽ ذاڪر ۽ ٻين تي داخل ڪيو ويو پر پوليس جابدارن کي گرفتار ڪرڻ بجاء بعد ۾ اسان عورتن تي ڳري رشوت عيوض ڪوڙو ڪيس داخل ڪري ورتو آهي جيڪا وڏي زيادتي آهي هنن چيو ته نُنهن به منهنجي اغوا ڪئي وئي گهر به منهنجي تي حملو ڪيو ويو پوليس پئسا وٺي ڪيس به اسان مٿان عورتن مٿان داخل ڪيو آهي هنن سيشن جج نوشهروفيروز , ايس ايس پي نوشهروفيروز سميت ٻين وس وارن کان انصاف جو مطالبو ڪيو آهي