باقراڻي ۾ اسڪول جي ڪلارڪ جي ساٿين سان گڏجي نينگر سان بدفعلي، وڊيو وائرل

جوابدارن نينگر سان بدفعلي جي وڊيو ڀري سوشل ميڊيا تي وائرل ڪري ڇڏي

باقراڻي؛ باقراڻي ۾ 13 ورهين جي نينگر سان گورنمينٽ هائير سيڪنڊري اسڪول باقراڻي جي بااثر ڪلارڪ پاران دوستن سان گڏجي بدفعلي، ويڊيو سوشل ميڊيا تي وائرل ، باقراڻي ٿاڻي تي اين سي داخل ، پوليس بااثر ملوث جوابدارن خلاف ڪارروائي نه ڪري سگهي . رپورٽ موجب : باقراڻي شهر جي قطب ڪالوني جي رهواسي 13 ورهين جي نينگر سان باقراڻي واسي گورنمينٽ هائير سيڪنڊري اسڪول باقراڻي جي بااثر ڪلارڪ ارشد عباسي پاران پنهنجي دوستن سان گڏجي بدفعلي ڪري ويڊيو سوشل ميڊيا تي وائرل ڪري ڇڏي آهي ، اهڙي واقعي جي اين سي حد جي ٿاڻي باقراڻي تي متاثر نينگر جي چاچي علي گوهر شيخ پاران جوابدار ارشد عباسي (ڪلهوڙو ) ۽ سندس دوستن خلاف داخل ڪرائي وئي آهي ، ان سلسلي ۾ متاثر صحافين کي ٻڌايو ته باقراڻي واسي جوابدار ارشد عباسي (ڪلهوڙو ) جيڪو گورنمينٽ هائير سيڪنڊري اسڪول باقراڻي ۾ ڪلارڪ آهي ، ارشد ڪلهوڙو ۽ ٻين مونکي پڪڙي الزام هنيو ته تون اسان جي موبائيل فون چوري ڪئي آهي جيڪي مونکي باقراڻي ٿاڻي ڏانھن زوري پڪڙي وٺي اچي ٿاڻي جي پويان واقع جڳھ ۾ مون سان بدفعلي ڪئي ۽ ڌمڪي ڏني ته خاموش ٿي اسان کي ڪرڻ ڏئي نه ته ٿاڻي تي موبائيل فون چوري جي ڪيس ۾ اندر ڪرائينداسين ، روز اسان کي خوش ڪر نه ته ٻئي صورت ۾ ويڊيو نيٽ تي وائرل ڪري ڇڏينداسين ، ٻئي طرف متاثر نينگر جي چاچي علي گوهر شيخ صحافين کي ٻڌايو ته اسان غريب ۽ عزتدار ماڻهون آهيون باقراڻي جي بااثر خاندان سان واسطو رکندڙ گورنمينٽ هائير سيڪنڊري اسڪول باقراڻي جي ڪلارڪ ۽ ٻين وحشي جوابدارن معصوم نينگر سان بدفعلي ڪري ويڊيو سوشل ميڊيا تي وائرل ڪئي آهي ، هن ڊي آئي جي لاڙڪاڻو ، ايس ايس پي لاڙڪاڻو ۽ ٻين اعلي عملدارن کان مطالبو ڪيو ته اهڙي واقعي جي نوٽيس وٺي ملوث بااثر جوابدارن خلاف قانوني ڪارروائي ڪري اسان کي انصاف ڏياريو وڃي نه ته ٻي صورت ۾ سخت احتجاج ڪيو ويندو ، هوڏانهن ان سلسلي ۾ رابطو ڪرڻ تي باقراڻي پوليس ٻڌايو ته اهڙي واقعي جي اين سي ارشد ڪلهوڙو ۽ سندس دوستن خلاف باقراڻي ٿاڻي تي داخل ڪري ڇڏي آهي ، پوليس جوابدارن جي گرفتاري لاءِ ويل آهي ، پوليس مطابق بدفعلي جي سوشل ميڊيا تي ڪيل ويڊيو پڻ متاثر نينگر جي وارثن پڻ پوليس کي ڏني وئي آهي .