سجاول ۾ سول سوسائٽي ۽ ھندو پنچائت پاران مغوين جي بازيابي لاءِ احتجاجي مظاهرو

جگديش ڪمار، ساگر ڪمار، پريا ڪمار ۽ ٻين جي اغوا جي سخت لفظن ۾ مذمت ڪريون ٿا: اڳواڻ

سجاول (گلشيرميربحر ) سجاول ۾ سول سوسائٽي ۽ ھندو پنچائت پاران ڪشمور ۾ اغوا ٿيلن جي بازيابي لاءِ احتجاجي مظاهرو ڪيو ويو تفصيل موجب:ڪشمور مان اغوا ٿيلن جي بازيابي لاء سول سوسائٽي ۽ ھندو پنچائت سجاول پاران مامون لاڏو چوڪ کان پبلڪ پارڪ تائين ريلي ڪڍي وئي، مظاهرين جو چوڻ هو ته جگديش ڪمار، ساگر ڪمار، پريا ڪمار ۽ ٻين جي اغوا جي سخت لفظن ۾ مذمت ڪريون ٿا ۽ ڪشمور ڌرڻي ۾ ويٺل ماڻهن سان يڪجهتي جو اظهار پڻ ڪيو.مظاھري ۾ ھندو پنچائت جي صدر ڊاڪٽر ھوت چند،ايس ٽي پي اڳواڻ گل حسن رند دادا سنڌي، سلطان کوسو ۽ ٻين وڏي انگ۾شرڪت ڪئي انھيءَ موقعي تي اڳواڻن چيو ته سنڌ ۾ ڦرلٽ جو راڄ قائم ڪري لاقانونيت جو خاتمو آندو وڃي، جان محمد مهر جي قاتلن کي گرفتار ڪري وارثن سان انصاف ڪيو وڃي ۽ يرغمال ٿيلن کي بازياب ڪرايو وڃي. سنڌ مان چوري جو خاتمو ڪيو وڃي.