محتسب اعليٰ سنڌ جا ملازم 2013 کان پروموشن نه ٿيڻ خلاف سنڌ هاءِ ڪورٽ پهچي ويا

226 views | 25th Aug 2023 • سنڌي خبرون

سنڌ هاءِ ڪورٽ وڏي وزير، محتسب اعليٰ سنڌ، سيڪريٽري قانون سنڌ ۽ ٻين کي نوٽيس جاري ڪندي 21 سيپٽمبر تي طلب ڪري ورتو

ڪراچي(اسٽاف رپورٽر) محتسب اعليٰ سنڌ جا ملازم 2013 کان پروموشن نه ٿيڻ خلاف سنڌ هاءِ ڪورٽ پهچي ويا، سنڌ هاءِ ڪورٽ وڏي وزير، محتسب اعليٰ سنڌ، سيڪريٽري قانون سنڌ ۽ ٻين کي نوٽيس جاري ڪندي 21 سيپٽمبر تي طلب ڪري ورتو آهي، اهو نوٽيس محتسب اعليٰ سنڌ جي ملازمن پاران داخل درخواست جي جواب ۾ جاري ڪيو ويو آهي، درخواست ۾ موقف اختيار ڪيو ويو ته محتسب اعليٰ سنڌ جي ملازمن کي آساميون موجود هجڻ باوجود 2013 کان پروموشن ناهن ڏنيا ويا، جيڪو رولز جي خلاف آهي، جڏهن ته 29 اپريل 2022 تي چار منظور نظر آفيسرن کي رولز خلاف پروموشن ڏنا ويا جنهن سبب ٻين ملازمن ۾ بيچيني واري صورتحال پکڙيل آهي