ڳڙھي ياسين ٿاڻي جي حد مان نوجون کان ڦر، جيها برادري جو انڊس هاءِ وي تي ڌرڻو

جيها برادري پاران آصف جيهو کان ٿيل ڦرلٽ خلاف مولا بخش، شاهزيب ۽ ٻين جي اڳواڻي ۾ ڌرڻو هنيو ويو

شڪارپور (احسان ابڙو) ڳڙھي ياسين ٿاڻي جي حد مان جيها برادري سٽي ڳڙھي ياسين جي نوجوان آصف جيهو کان نامعلوم هٿياربندن هٿيارن جي زور تي موٽر سائيڪل ڦر سميت ڳڙھي ياسين شهر ۽ آس پاس مان روزاني جي بنياد تي ڦر واقعن توڙي ڳڙھي ياسين پوليس جي نااهلي ، نامناسب روي خلاف جيها برادري جي اڳواڻن مولا بخش جيهو ، شاهزيب جيهو ، رياض جيهو سميت مختلف ڳڙھي ياسين سٽي جي ۾ رهندڙ برادرين جي ماڻھن پاران اڄ لاڙڪاڻو شڪارپور انڊس روڊ تي رڪاوٽون وجهي روڊ بلاڪ ڪري احتجاجي ڌرڻو هنيون ويو کير ٿل ڪئنال جي پل تي ٽائرن کي باهيون ڏئي ڪئمپ لڳائي وئي ٻنهين پاسي کان ٽريفڪ معطل سوين گاڏيون بيهجي ويون هوڏانهن جيها برادري جي سردار ذوالفقار خان جيهو جو فرزند سردار زاده حيدر علي خان جيهو به جيها برادري پاران لڳندڙ ڌرڻي ۾ شرڪت لاء پهچي ويو جتي ميڊيا سان ڳالهائيندي سردارزاده حيدر علي خان جيهو ۽ ٻين مظاهرين چيو ته ڳڙھي ياسين شھر سميت آس پاس جا رهواسي آئي ڏينهن ڦرجن لٽجن پيا پوليس ماڻھن کي ڏوهارين جي رحم ڪرم تي ڇڏي ڏنو آ هنن وڌيڪ چيو ته متاثرين سان ويتر پوليس جا رويا نامناسب آھن ڦر ٿيل تمام موٽر سائيڪليون ۽ ٻيون شيون جلد واپس ڪرايون وڃن هوڏانهن پوليس عملدارن پاران سردار زاده حيدر علي خان جيهو سان رابطو ڪري ٻن ڏينهن ۾ ڦر ٿيل موٽر سائيڪليون رڪور ڪرائڻ ۽ تحفظ فراهم جو يقين دهاني کانپوء ڌرڻو ختم ڪيو ويو