شڪارپور ضلعي ۾ وڌندڙ بدامني خلاف تحريڪ لبيڪ پاڪستان جو احتجاجي مظاھرو

بدامني خلاف، قبيلائي جھيڙن جي خاتمي ۽ رستم مان اغوا ٿيل ٽن ڄڻن جي بازيابي لاءِ احتجاج ڪيو ويو

شڪارپور (احسان ابڙو )شڪارپور ضلعي اندر بدامني جي باهه ٻريل آهي ۽ قبيلائي جھيڙن توڙي اغوا جي وارڌاتن ۾ ڏينهنون ڏينهن اضافو ٿيندو پيو وڃي جنهن سبب خلق خدا سخت پريشان بڻيل آهي ۽ متاثر ماڻهو مجبور ٿي روڊن تي نڪري آيا آهن,ان سلسلي ۾ تحريڪ لبيڪ پاڪستان طرفان قبيلائي جھيڙن جي خاتمي ۽ رستم مان اغوا ٿيل ٽن ڄڻن عبدالرئوف سولنگي,عبدالغفور سولنگي ۽ عبدالستار سيٺار جي وارثن طرفان سندن بازبايي لاء گڏجي جھاز چوڪ کان احتجاجي مظاهرو ڪري شڪارپور پريس ڪلب اڳيان ڌرڻو ھڻي پوليس نااھلي خلاف سخت نعريبازي ڪئي وئي,ان موقعي تي مظاھرين اسرار ابڙو,مير احمد نواز معرفاڻي,سوشل ورڪر شھناز مھر,مسمات صومل سولنگي ۽ ٻين چيو ته ھڪ سازش تحت شڪارپور ضلعي اندر بدامني جي باهه ٻاري وئي آهي جنهن سبب عام رھواسي غير محفوظ ۽ خوف ۾ ورتل آهن پر ناليوارو ايس ايس پي امجد شيخ مڪمل طور ناڪام ٿي چڪو آهي,ھنن چيو ته ڪيترن ئي سالن کان ھلندڙ قبيلائي تڪرارن ويڙھا ويران ڪري ڇڏيا آهن ۽ ضلعي جي تعليم تباهه ٿي وئي آهي ۽ ھر طرف بربادي ئي بربادي آهي جنهن جي ذميوار ڪرپٽ سرڪاري مشينري ۽ نااھل انتظاميا آهي,ھنن چيو ته ھاڻي عوام سان ظلم بند نه ٿيا ته ماڻهوَ ڪنهن کان امن جي خيرات گھرڻ بدران پاڻ مزاحمت ڪندا,ھنن مطالبو ڪيو ته بنا دير رستم مان اغوا ٿيل ٽن ڄڻن کي بازياب ڪرائي شڪارپور ضلعي مان قبيلائي تڪرارن جو خاتمو آڻي امن بحال ڪرايو وڃي ٻي صورت ۾ احتجاجي سلسلو وڌايو ويندو.