شھيد صحافي جان محمد مھر جي ڀاءُ پاران جي آءِ ٽي تي عدم اعتماد

پوليس ھن وقت تائين ڪيس ۾ ڪا بھ اڳڀرائي ناھي ڪئي، ڪجھھ بيگناھھ گرفتار ڪيا ويا آھن: ڪرم اللھ مھر

سکر(بيورو) شهيد جان محمد مهر قتل ڪيس جي فريادي سندس وڏي ڀاءُ ڪرم الله مهر جوڙيل جي آئي ٽي عدم اعتماد جو اظهار ڪندي چيو ته پوليس ڪجهه ڪم ڪري پئي، ڪيس ۾ ڪجهه بيگناهه ماڻهن کي به گرفتار ڪيو ويو آهي پهرين ڏينهن کان جيڪي گرفتار ٿيا هئا انهن کي هاڻي ظاهر ڪيو پيو وڃي. ڪجهه آهن جيڪي ملوث به آهن. ڪرم الله مهر چيو ته اسان کي چيو ويو ته ايف آئي آر ۾ زميني تڪرار ڄاڻايو، ايس ايس پي پاڻ ٿڌي تي ئي چيو ته زميني تڪرار آهي. اسان جو زميني تڪرار تان جهيڙو ناهي، منهنجي ڀاءُ جان محمد کي دهشتگردي ڪري قتل ڪيو ويو آهي. مون کي ايف آئي آر داخل ڪرائڻ لاءِ وٺي ويا جنهن کان پوءِ ڪهڙي وقت ڪٿي ته ڪهڙي وقت ڪٿي ويهاريو پئي ويو. مون کي بعد ۾ گهر ڇڏيو ويو ته ويٺس ئي مس وري گاڏي کڻڻ لاءِ پهچي وئي. مون کي سڄو ڏنهن دربدر ڪرڻ بعد رات جو هٿ ڪڍيو ويو. هن چيو ته جيڪا جي آئي ٽي جوڙي وئي آهي ان تي اعتماد ناهي. چيف جسٽس جي سربراهي ۾ ڪاميٽي جوڙي وڃي. هن وقت تائين پوليس ڪيس ۾ ڪا به اهم پيش رفت ناهي آندي. پوليس ۽ ماسٽر مائينڊ جو ڪو پهريان ئي پلان جوڙيو ويو آهي. اصل قاتل گرفتار ڪرڻ بجاءِ بيگناهه ماڻهن کي گرفتار ڪيو پيو وڃي. ايف آئي آر ۾ نامزد کان سواءِ جيڪڏهن پوليس ڪنهن کي گرفتار ڪري ٿي اهو پوليس جو ڪم آهي