لاڙڪاڻي واسي جوڙي ملير جي عدالت ۾ پرڻو ڪري ڇڏيو

ياسمين گوپانگ ۽ غلام حسين کوکر عدالت ۾ پرڻو ڪري ڇڏيو

ملير (رپورٽ: عبدالرشيد مورجھريو) لاڙڪاڻي سان واسطو رکندڙ نوجوان جوڙي ملير جي عدالت ۾ پيار جو پرڻو ڪرڻ بعد عوامي پريس ڪلب ملير ۾ پريس ڪانفرنس ڪندي تحفظ جو مطالبو ڪيو ناري ياسمين گوپانگ صحافين سان ڳالهائيندي چيو ته هن غلام حسين کوکر سان ملير جي عدالت ۾ پنهنجي مرضي سان شادي ڪئي آهي، کيس نه ڪنهن ورغلايو آهي ۽ نه ئي اغوا ڪيو آهي، هوءَ عاقل بالغ آهي ۽ پنهنجي فيصلي جي پاڻ ذميوار آهي هن وڌيڪ چيو ته کين سندس والد غلام ڪبير گوپانگ، مامي خادم ۽ شوڪت کان جاني خطرو آهي، جيڪڏهن کين ڪنهن به قسم جو نقصان پهتو ته ان جا ذميوار اهي ڄاڻايل ماڻهو هوندا ان موقعي تي نوجوان غلام حسين کوکر چيو ته هن ياسمين گوپانگ سان شريعت موجب نڪاح ڪيو آهي، جنهن ۾ ڪو به غيرقانوني عمل شامل ناهي هن چيو ته هاڻي کين ڇوڪري جي مائٽن طرفان جاني خطرو آهي جوڙي آءِ جي سنڌ، ڊي آءِ جي لاڙڪاڻو ۽ ايس ايس پي لاڙڪاڻو کان مطالبو ڪيو ته کين تحفظ فراهم ڪيو وڃي ته جيئن هو پنهنجي زندگي خوشي ۽ سڪون سان گذاري سگهن