سیٹھارجا سے 4ماہ قبل مبینہ اغوا ہونے والی دسویں جماعت کی طالبہ آصفہ مغل بازیاب نہ ہو سکی

سیٹھارجا کے حسین آباد محلے سے چار ماہ قبل مبینہ طور پر اغوا ہونے والی دسویں جماعت کی طالبہ آصفہ مغل چار ماہ گزرنے کے باوجود بازیاب نہ ہو سکی۔ ناری کی بازیابی کے لیے اس کے ورثا، قوم پرست رہنماؤں اور مختلف سیاسی و سماجی تنظیموں کی جانب سے قائم احتجاجی کیمپ گزشتہ 10 دنوں سے جاری ہے۔ احتجاجی کیمپ میں موجود ناری کے ورثا اور سیاسی و سماجی حلقوں کے مطابق 10 دن گزرنے کے باوجود نہ کوئی پولیس افسر کیمپ میں پہنچا ہے اور نہ ہی کوئی سیاسی رہنما اظہارِ یکجہتی کے لیے آیا ہے۔ انہوں نے الزام عائد کیا کہ پولیس نے اب تک طالبہ کی بازیابی کے لیے کوئی مؤثر قدم نہیں اٹھایا۔ مظاہرین نے متعلقہ حکام سے مطالبہ کیا ہے کہ فوری نوٹس لے کر آصفہ مغل کو بازیاب کرایا جائے تاکہ ورثا میں پائی جانے والی بے چینی کا خاتمہ ہو سکے۔