موهن جو دڙو ڀرسان قتل ٿيل واٽهڙو رابيل جوڻيجو جي وارثن جو احتجاج

25ڏينهن اڳ سولنگي بروهي تڪرار تان فائرنگ ۾ رابيل جوڻيجو مارجي ويو، قاتل گرفتار ناهن ٿيا: وارث

ڏوڪري (رپورٽر)موهن جو دڙو ڀرسان 25 ڏينهن پهريان ڳوٺ يارو لاکير ۾ سولنگي ۽ بروهي تڪرار ۾ قتل ٿيل واٽھڙو رابيل جوڻيجو جي وارثن پاران امڙ مسرت خاتون،شھيد جي 6 سالن جي ڌي شفا خاتون،4 سالن جو پٽ تعبير جوڻيجو،سئوٽ نور جوڻيجو ۽ ٻين احتجاجي مظاهرو ڪيو.ان موقعي تي هنن ميڊيا سان ڳالهائيندي چيو ته اسان جو نوجوان رابيل جوڻيجو کي بيگناه قتل ڪيو ويو آھي.هنن چيو ته سولنگي ۽ بروهي ڌرين جي فائرنگ ۾ اسان جو نوجوان کي شھيد ڪيو ويو هو.هنن چيو ته شھيد گهر جو وڏو هيو جيڪو هوٽل هلائي پنهنجي گهر جو چرخو هلائيندو هيو.هنن چيو ته واقعي کي پنجويھ ڏينهن گذري ويا آھن پر اسان جي گهر ۾ اڄ به روڄ راڙو آھي.هنن چيو ته شھيد جي گهر واري تعليم يافته آھي.سنڌ حڪومت کي گهرجي ته شھيد جي گهر واري کي نوڪري جو آرڊر ڏنو وڃي ته جيئن پنهنجن ٻارڙن سان گڏ بهتر زندگي گذاري سگهن.هنن چيو ته اسان جو سولنگي ۽ بروهي ڌرين سان ڪو به تعلق ناهي.هنن جي فائرنگ ۾ اسان جو نوجوان قتل ٿيو آھي.هنن ڊي آء جي ايس ايس پي ۽ چونڊيل نمائيندن کان مطالبو ڪيو آھي ته شھيد رابيل جوڻيجو جي خون سان انصاف ڪيو وڃي ۽ جوابدارن کي گرفتار ڪيو وڃي.ھوڏانهن مقتول جو ڪيس سيهڙ ٿاڻي تي ٽن نامعلوم ماڻھن مٿان داخل ٿيل آھي.