ملير: عيدو ڳوٺ جي معصوم نياڻي ٻڌڻ ۽ ڳالهائڻ کان محروم، علاج لاءِ والدين جي اپيل

41 views | 21st Apr 2026 • سنڌي خبرون

ملير: عيدو ڳوٺ جي معصوم نياڻي ٻڌڻ ۽ ڳالهائڻ کان محروم، علاج لاءِ والدين جي اپيل

ملير (رپورٽ: عبدالرشيد مورجھريو) عيدو ڳوٺ پپري جي رهواسي پورهيت جاويد علي ۽ سندس گھرواري نسرين جاويد عوامي پريس ڪلب ملير ۾ پريس ڪانفرنس ڪندي پنهنجي نياڻي ام ڪلثوم جي علاج لاءِ مدد جي اپيل ڪئي آهي هنن ٻڌايو ته سندن نياڻي پيدائشي طور ٻڌڻ ۽ ڳالهائڻ کان محروم آهي، جنهن سبب سندس روزمره زندگي متاثر ٿي رهي آهي جاويد علي صحافين سان ڳالهائيندي چيو ته هو محدود وسيلن باوجود نياڻي جو مختلف هنڌن تي علاج ڪرائي چڪا آهن، جڏهن ته ڊاڪٽرن موجب مخصوص مشين لڳائڻ سان ٻارڙي جي ٻڌڻ ۽ ڳالهائڻ جي صلاحيت بحال ٿيڻ جا امڪان آهن هن چيو ته ان مشين جي قيمت لڳ ڀڳ 70 هزار رپيا آهي، جڏهن ته هو وڏي مشڪل سان 12 هزار رپيا گڏ ڪري سگهيا آهن نسرين جاويد چيو ته سندن خواهش آهي ته ام ڪلثوم به ٻين ٻارن وانگر تعليم حاصل ڪري ۽ عام زندگي گذاري، پر مالي تنگي وڏي رڪاوٽ بڻيل آهي ھنن سنڌ حڪومت، سماجي تنظيمن ۽ سرندي وارن کان مطالبو ڪيو آهي ته کين مالي مدد فراهم ڪئي وڃي ته جيئن سندن نياڻي جو علاج ممڪن ٿي سگهي