هڱورجا جي لوئر سيڪنڊري اسڪول ۾ ڪتاب ورهايا ويا

تقريب ۾ استادن، شاگردن ۽ سندن والدين وڏي انگ ۾ شرڪت ڪئي

هڱورجا(رپورٽر)گورنمينٽ بوائز ايليمنٽري لوئر سيڪنڊري اسڪول مين هنڱورجا ۾ تعليم کاتي پاران شاگردن ۽ شاگردياڻين ۾ مفت نصابي ڪتاب ورهائڻ واري تقريب منعقد ڪئي وئي، جنهن ۾ استادن، شاگردن ۽ والدين وڏي انگ ۾ شرڪت ڪئي۔تقريب ۾ ٽي او سيڪنڊري لياقت علي لاڙڪ، انچارج هيڊ ماستر استاد اعجاز علي سولنگي، استاد فقير محمد سھتو، استاد غلام مجتبيٰ ڀٽو، استاد حامد علي ڀٽو، استاد تنوير علي ڀٽو، استاد ڪاشف علي ميمڻ، استاد عبدالماجد ميمڻ، استاد محمد علي سومرو، استاد نعيم احمد ڪلھوڙو، استاد عبدالقيوم سومرو ۽ صحافي عمران علي چانگ سميت ٻين معزز شخصيتن شرڪت ڪئي۔ان موقعي تي مهمانن شاگردن ۾ سنڌ حڪومت پاران فراهم ڪيل مفت نصابي ڪتاب ورهايا تقريب کي خطاب ڪندي مقررين چيو ته تعليم کاتو شاگردن جي بهتر مستقبل لاءِ سنجيده ڪوششون ڪري رهيو آهي، ۽ مفت نصابي ڪتابن جي فراهمي سان والدين تي مالي بار گهٽبو ۽ تعليم کي وڌيڪ هٿي ملندي۔ هنن وڌيڪ چيو ته شاگرد محنت سان پڙهائي جاري رکن ته جيئن ملڪ ۽ قوم جو نالو روشن ڪن۔