دادو جي جوڙي ملير جي عدالت ۾ پرڻو ڪري ڇڏيو

عبدالرحمان سولنگي ۽ عائشه پرڻي بعد تحفظ لاءِ احتجاج ڪيو

ملير (رپورٽ: عبدالرشيد مورجھريو) دادو جي ڳوٺ مٺو ماڇي واسي پريمي جوڙي عبدالرحمان سولنگي ۽ عائشہ ڌيءَ اسلم ملير جي عدالت ۾ نڪاح ڪرڻ بعد عوامي پريس ڪلب ملير ۾ پريس ڪانفرنس ڪندي تحفظ جي گھر ڪئي آھي نوجوان عبدالرحمان سولنگي چيو ته عائشہ ڌيءَ اسلم سولنگي سان شريعت محمدي تحت پسند جي شادي ڪئي آھي ڪو ڏوهه ناھي ڪيو عائشہ منهنجي مڱ ھئي سندس گهر ڀاتي زبردستي سندس شادي ٻي هنڌ ڪرائي رھيا ھئا جيڪو فيصلو اسان ٻنھي کي قبول نہ ھو جنهن بعد اسان گهران نڪري ڪراچي پھچي ملير جي عدالت ۾ پسند جي شادي ڪئي آھي هن چيو ته شادي بعد عائشہ جا مائٽ سندن جاني دشمن بڻجي ويا آهن ۽ کين قتل ڪرڻ ۽ ڪوڙن ڪيسن ۾ ڦاسائڻ چاھين ٿا ان موقعي تي عائشہ چيو ته پنهنجي مرضي سان عبدالرحمان سولنگي سان شادي ڪئي آهي، مونکي ڪنهن به اغوا ناهي ڪيو آئون عاقل بالغ آهيان ۽ پنهنجي زندگيء جو ھر فيصلو ڪرڻ جو حق رکان ٿي عائشہ الزام هڻندي چيو ته سندس والد اسلم سولنگي، چاچا سوڍل، اڪبر، منور ۽ جواڻ کيس مڙس ۽ سندن ڪٽنب کي جاني ۽ مالي نقصان پهچائڻ سان گڏ ڪوڙن ڪيسن ۾ ڦاسائڻ جون ڌمڪيون ڏئي رهيا آهن ھن چيو ته اگر اسان کي ڪجھ به ٿيو تہ ان جا زميوار ڄاڻايل ماڻھون ھوندا جوڙي آءِ جي سنڌ، ايس ايس پي دادو ۽ ٻين وس وارن کان اپيل ڪئي آهي ته سندن خلاف داخل ڪيل مبينا ڪوڙا ڪيس ختم ڪري کين تحفظ فراهم ڪيو وڃي ته جيئن هو پنهنجي زندگي امن ۽ سڪون سان گذاري سگهن