سجاول ۾ ٽائون چيئرمين سيد آفتاب شاھ شيرازي پاران شهر جو دورو

سجاول.(رپورٽر)چئرمين ٽائون ڪميٽي سجاول سيد آفتاب شاھ شيرازي سجاول شھر جو وزٽ ڪري روڊ تي ويٺل مڇي وڪرو ڪندڙ واپارين کي پابند ڪيو ته روڊ تان مڇي مارڪيٽ ختم ڪري ڪٿي ٻئي پاسي مڇي وڪرو ڪريو هتي گند ڪچرو ٿئي ٿو چئرمين روڊ تي بيٺل گاڏن وارن کي به تاڪيد ڪئي ته پنھنجا گاڏا روڊ تان هٽائي ڇڏين ته جيئن شھرين کي اچڻ وڃڻ ۾ تڪليف نه ٿئي هن انھن کي وارنينگ ڏني ته جيڪڏهن ڪنھن جو به روڊ تي گاڏو بيٺل ڏٺو ويو ته قانوني ڪارروائي ڪئي ويندي. چئرمين صفائي ڪرڻ واري عملي کي گھرائي شھر جي مختلف علائقن مان گند ڪچرو کڻايو ۽ دڪاندارن ۽ گاڏن وارن کي پابند ڪيو ته روڊ تي ڪچرو نه اڇلائين پنھنجي دڪان ۽ گاڏن جي اڳيان ڪچري جي لاء دٻا رکن ۽ ان ۾ ڪچرو گڏ ڪن ته جينئن ٽائون ڪميٽي جو صفائي وارو عملو اچي اهو ڪچرو کڻي وڃي