تنگواڻي ۾ وڌندڙ بدامني ۽ جساف اڳواڻ کي مبينا کنڀي گم ڪرڻ خلاف ريلي ۽ ڌرڻو

شهري اتحاد جي يوآء جسقم سميت مختلف قومپرستن پاران ريلي ڪڍي ڌرڻو هنيو ويو

تنگواڻي ۾ وڌندڙ بدامني ۽ جساف اڳواڻ سبزعلي باجڪاڻي جي کنڀي گم ڪرڻ خلاف شهري اتحاد جي يوآء جسقم سميت مختلف قومپرستن پاران شهر ۾ ريلي ڪڍي شهر جي گشت بعد ڊي ايس پي آفيس اڳيان احتجاجي ڌرڻو هنيو ويو، ڌرڻي سبب سنڌ_بلوچستان طرف ايندڙ ويندڙ گاڏيون قطارن جي صورت ۾ بيهجي ويون، اڳواڻن قاري ڪفايت الله کوسو،رحمدل لاشاري،اعجاز ملڪ ۽ ٻين چيو تہ پوليس اغوا،ڦر ۽ قتل وارداتن کي روڪي تہ نہ سگهي،ڏوهارين آڏو بيوس بڻيل پوليس ڦر واقعي ۾ زخمي ڪيل يار محمّد ملڪ جا جوابدار بااثر هجڻ ڪري ڇڏي ڏنا ۽ احتجاج جي ڏوهہ ۾ قومپرست اڳواڻ سبزعلي باجڪاڻي کي کنڀي نامعلوم هنڌ منتقل ڪري ڇڏيو، هنن چيو تہ پوليس بااثرن جي بنگلن مان هٿ ڪيل هٿيار ۽ ڏوهارين کي بااثرن جي هڪ ڪال تي ڇڏي ڏنو تہ امن امان ڪيئن قائم ٿيندي هنن چيو تہ ڏوهارين،چورن ۽ بااثرن جي ساٿاري ايس ايڇ او امتياز منگي هٿ سان ڏوهہ ڪرائڻ ۾ ملوث آهي هنن کي خدشو آهي تہ ڪٿي قومپرست اڳواڻ سبزعلي باجڪاڻي کي نقصان نہ پهچائي هنن اعلىٰ اختياررن کان گهر ڪئي تہ يار محمّد ملڪ جي ڦر واقعي ۾ ملوث بااثر ذولفقار بجاراڻي ۽ جوابدارن خلاف ڪاروائي ڪري جلد قومپرست اڳواڻ کي آزاد ڪري انصاف ڪيو وڃي ٻئي صورت ۾ سخت احتجاج ڪنداسين