نبي سر ٿر ويجهو مرضي موجب شادي نه ٿيڻ تي ڪنوار ۽ سندس چاهيندڙ مبينا آپگهات ڪري ڇڏيو

عمرڪوٽ (رپورٽ:ڪانجي مل رکيسر) “مرضي موجب شادي ڇو نہ ٿي” نبي سر ٿر ويجھو تازو پرڻيل ڪنوار پنھنجي چاھيندڙ نوجوان سان گڏجي اجتماعي خودڪشي ڪري ڇڏي، وڻ سان ٽنگيل لاش مليا، مڙھ ضروري ڪاروائي بعد وارثن حوالي. خبر موجب ڪنري ويجھو نبي سر ٿر ڳوٺ اُٺ لڪ ۾ ڪونڀٽ جي وڻ ۾ تازو پرڻيل ڪنوار ۽ نوجوان جا لاش مليا، اطلاع تي نبي سر پوليس پھچي فوتين جا مڙھ تحويل ۾ ورتا، جنن جي سڃاڻپ تازو پرڻيل ڪنوار 20 ورھين جي کينئان زال پرتاب ڀيل ۽ نوجوان ساجن ولد انور ڀيل طور ٿي، پووليس ضروري ڪارروائي لاءِ مڙھ کڻائي سول اسپتال منتقل ڪري ڇڏيا. جتي فوتين جا وارثن ٻڌايو ته ڪنوار کينئان جي گذريل ھفتي شاديءَ ٿي ھئي جيڪا 2 ڏينھن اڳ مائٽن وٽ آيل ھئي ۽ گذريل رات پنهنجي چاهيندڙ سان گڏجي مبينا اجتماعي ڦاھو کائي زندگيءَ جو انت آڻي ڇڏيو، هنن ٻڌايو ته ناري ۽ نوجوان هڪٻئي کي چاهيندا هئا ۽ ناري جي شادي سندس مرضي مطابق نه ٿي سگهي جنھن سبب هنن اھڙو انتهائي قدم کنيو، نبي سر پوليس ٻنھي فوتين جا مڙھ ضروري ڪاروائي بعد وارثن حوالي ڪري ڇڏيا مڙھ گهر پھچڻ تي ڪھرام مچي ويو..