ملير واسي جو جيئي سنڌ محاذ جي اڳواڻ ضمير حاجاڻو تي الزام

ضمير حاجاڻو کي پلاٽ وڪڻيو هو، 2لک 25 هزار رهتون نٿو ڏئي: آفتاب شاهه

ملير (رپورٽ: عبدالرشيد مورجھريو) ملير جو شهري قومپرست پارٽي جي اڳواڻ خلاف پريس ڪلب پهچي ويو، ضمير حاجاڻو کي پلاٽ وڪرو ڪيم ڏيڍ سال گذرڻ باوجود 2 لک 25 هزار رهت ادا نٿو ڪري مسلسل انتظار ڪرڻ بعد مجبور ٿي ميڊيا ذريعي پارٽي اڳواڻ کي دانهن ڏيڻ لاءِ پريس ڪلب پهتو آهيان، جيئي سنڌ محاذ جو چيئرمين رياض چانڊيو پنهنجي ڪراچي ڊويزن جي صدر ضمير حاجاڻو کي هدايت ڪري ته مون غريب جا رهت پيئسا فوري واپس ڪري ٻي صورت ۾ احتجاجي بک هڙتال ڪندس، سيد آفتاب شاھ جي عوامي پريس ڪلب ملير ۾ هنگامي پريس ڪانفرنس تفصيل موجب : ملير جي شهري ۽ يوسف عارفاڻي ڳوٺ جي رهواسي سيد آفتاب شاھ عوامي پريس ڪلب ملير پهچي هنگامي پريس ڪانفرنس ڪندي چيو آهي ته مون پنهنجو پلاٽ 2 سال اڳ جيئي سنڌ محاذ ڪراچي جي صدر ضمير حاجاڻو کي 6 لک روپين ۾ وڪرو ڪيو جنهن مان هن قسطن ۾ ٿورا ٿورا ڪري هيستائين 3 لک 75 هزار ڏنا آهن جڏهن ته اڃان تائين 2 لک 25 هزار رهت آهن جن جي ادائيگي لاءِ مسلسل آسرا ڏيئي رُلائي رهيو آهي ڏيڍ سال انتظار ڪرڻ کانپوءِ بي وس ۽ مجبور ٿي ميڊيا ذريعي قومي اڳواڻ رياض چانڊيو کي دانهن ڏيڻ آيو آهيان ته ڪراچي جو صدر جيڪو اسان جي عزتن،وسيلن جو رکوالو آهي تنهن قومي سياست ڪرڻ بدران اسان جي ملڪيتن تي قبضو ڪرڻ، خريد ڪيل پلاٽن جي رقم ادا نه ڪرڻ جا ڪم ڪري نه رڳو قومي سياست پر پارٽي کي به بدنام ڪيو آهي هن چيو ته آئون غريب پورهيت ماڻهو آهيان فوري طور منهنجا رهت پيئسا ادا ڪرايا وڃن جيڪڏهن منهنجي اپيل طرف ڌيان نه ڏنو ويو ته آئون مجبور ٿي ملير جي چڱن ماڻهن، برادرين ڏانهن دانهن کڻي ويندس ۽ مرڻ گهڙي تائين بک هڙتال تي ويهي احتجاج ڪندس.