سپر هاءِ وي لڳ ڌڻي بخش بروهي ڳوٺ ۾ معصوم ٻارڙي جو کڏ مان لاش هٿ

366 views | 20th Feb 2026 • سنڌي خبرون

واٽر بورڊ. سھراب ڳوٺ ٽائون انتظاميا جي لاپرواهي سبب معصوم ضمير حسين حياتي وڃائي ويٺو

سپر هاءِ وي لڳ ڌڻي بخش بروهي ڳوٺ ۾ معصوم ٻارڙي جو کڏ مان لاش هٿ

ملير (عبدالرشيد مورجھريو) سپر هاءِ وي لڳ ڌڻي بخش بروهي ڳوٺ ۾ 10 ورهين جو معصوم ٻارڙو ضمير مگسي پاڻيءَ جي کڏ ڪري ۾ ٻڏي فوت ٿي ويو، جنهن سبب گهر ۾ ڪهرام مچي ويو. مقامي ماڻهن موجب معصوم ٻارڙو پاڻي جي بيٺل کڏ ۾ ٻڏي ويو، جڏهن ته واٽر ڪارپوريشن ٽاون ميونسپل ڪارپوريشن جي نااهلي ۽ لاپرواهي سبب زندگي ضايع ٿي وئي. علائقي واسين جو چوڻ آهي ته باقاعده انتظام ۽ صفائي جي کوٽ سبب هي افسوسناڪ حادثو پيش آيو.وارثن چيو ته معصوم ٻارڙي جي فوتگي تي واٽر ڪارپوريشن ۽ ميونسپل انتظاميا ذميوار آهن ۽ فوراً جوابدهي ڪئي وڃي. علائقي واسين انتظاميا کان مطالبو ڪيو آهي ته بيٺل پاڻيءَ جي کڏن کي فوراً صاف ڪري پاڻي نيڪال ڪيو وڃي ته جيئن مستقبل ۾ اهڙا حادثا نه ٿين.