عوامي پريس ڪلب ملير جي نون چونڊيل عهديدارن جو پهريون تعارفي اجلاس

263 views | 02nd Feb 2026 • سنڌي خبرون

حلف برداري تقريب 15 فيبروري تي شهيد سنڌ جرنيل دوله دريا خان جي مزار مڪلي تي ڪرڻ جو فيصلو

عوامي پريس ڪلب ملير جي نون چونڊيل عهديدارن جو پهريون تعارفي اجلاس

ملير (رپورٽ: عبدالرشيد مورجھريو)عوامي پريس ڪلب ملير جي نون چونڊيل عهديدارن جو پهريون تعارفي اجلاس صدر سيد سجاد علي شاهه جي صدارت هيٺ ٿيو جنهن ۾ ڪلب جي مستقبل جي سرگرمين، تنظيمي معاملن بابت اهم فيصلا ڪيا ويا۔اجلاس ۾ اتفاق رائي سان فيصلو ڪيو ويو ته عوامي پريس ڪلب ملير جي نون چونڊيل عهديدارن جي حلف برداري تقريب آچر، 15 فيبروري تي شهيد جرنيل سنڌ دولهه دريا خان جي آخري آرامگاهه مڪلي تي عوامي انداز ۾ منعقد ڪئي ويندي اجلاس ۾ فيصلو ڪيو ويو ته حلف برداري تقريب ۾ ٺٽو، ساڪرو، گهارو ۽ گجو سميت ڀرپاسي وارن علائقن جي صحافين سان گڏ سياسي، سماجي اڳواڻن ۽ معزز شخصيتن کي شرڪت جي باضابطه دعوت ڏني ويندي صدر سيد سجاد علي شاهه اجلاس کي خطاب ڪندي چيو ته عوامي پريس ڪلب ملير صحافين جي حقن جي تحفظ، آزادي صحافت ۽ مظلوم آواز کي اجاگر ڪرڻ لاءِ پنهنجو ڪردار اڳ کان وڌيڪ اثرائتو نموني ادا ڪندو هن چيو ته شهيد دولهه دريا خان جهڙي قومي هيرو جي مزار تي حلف برداري تقريب رکڻ جو مقصد صحافتي جدوجهد کي قومي شعور سان جوڙڻ آهي اجلاس ۾ شريڪ عهديدارن حلف برداري تقريب کي ڪامياب بڻائڻ لاءِ تياريون مڪمل ڪرڻ ۽ وڏي پيماني تي شرڪت کي يقيني بڻائڻ بابت پڻ صلاح مشورا ڪيا ويا