موهن جو دڙو ڀرسان پ پ جو شهيد بينظير ڀٽو جي ورسي بابت جي حوالي سان اجلاس

اجلاس دوران شهيد بينظير ڀٽو جي 18 هين ورسي ۾ ڀرپور شرڪت ڪرڻ جو فيصلو

ڏوڪري (اطهر ميمڻ) موهن جو دڙو ڀرسان سوهو هائوس پئٽرول پمپ مانڊين تي پ پ جو اجلاس، وڏي انگ ۾ پ پ ڪارڪن شريڪ، 27 ڊسمبر تي شهيد محترمه بينظير ڀٽو جي 18هين ورسي ۾ ڀرپور شرڪت جو فيصلو، پ پ عوامي ۽ جمهوري پارٽي آهي، اسان جي اڳواڻن جمهوريت جي بقا لاءِ جانيون قربان ڪيون، شهيد محترمه بينظير ڀٽو جي 18 هين ورسي شاندار نموني ملهائي ويندي،تعلقي صدر منير سوهو جنرل سيڪريٽري سردار علي ڏنو گاڏھي قاضي جميل جوڻيجو محمد جمن ٻگهيو نياز حسين سوهو ۽ ٻين جو تقريب کي خطاب تفصيل موجب موهن جو دڙو ڀرسان سوهو هائوس پئٽرول پمپ مانڊين تي پ پ جو اجلاس ٿيو جنهن ۾ پ پ تعلقي صدر منير حسين سوهو جنرل سيڪريٽري علي ڏنو گاڏھي محمد جمن ٻگهيو قاضي جميل جوڻيجو نياز حسين سوهو فدا حسين ڦلپوٽو ارشاد جوڻيجو اڳواڻ ضلعي صدر خورشيد جوڻيجو محمد وقار سومرو نجف سرگاڻي سميت وڏي انگ ۾ پ پ ڪارڪنن، اڳواڻن يونين ڪائونسلن جي عهديدارن ۽ همدردن شرڪت ڪئي ان موقعي تي پ پ ڪارڪنن شهيد محترمه بينظير ڀٽو جي 18 هين ورسي ۾ ڀرپور شرڪت ڪرڻ جو فيصلو ڪيو ۽ هنن چيو ته ڏوڪري تعلقي مان 200 کان وڌيڪ گاڏين جو قافلو ڪڍيو ويندو جيڪو ڳڙهي خدا بخش ڀٽو پهچي شهيد راڻي محترمه بينظير ڀٽو جي ورسي جي تقريب ۾ شريڪ ٿيندو.ان موقعي تي پ پ تعلقي صدر منير حسين سوهو تقريب کي خطاب ڪندي چيو ته پ پ عوامي ۽ جمهوري پارٽي آهي هن پارٽي جي اڳواڻن جون جمهوريت جي بقا ۽ عوام جي حقن جي حاصلات لاءِ وڏيون قربانيون آهن، شهيد ذوالفقار علي ڀٽو ۽ شهيد محترمه بينظير ڀٽو عوام لاءِ جانين جو نظرانو ڏئي تاريخ ۾ امر ٿي ويا، شهيد محترمه بينظير ڀٽو جي 27 ڊسمبر تي ارڙھين ورسي ملهائي پئي وڃي جنهن لاءِ تياريون تيزي سان جاري آهن ورسي تقريبن ۾ لکين پ پ ڪارڪن شرڪت ڪري شهيد محترمه بينظير ڀٽو کي عقيدت ڀريو سلام پيش ڪندا، ورسي تقريب کي پ پ چيئرمين بلاول ڀٽو زرداري سميت ٻيا اڳواڻ خطاب ڪندا هوڏانهن پ پ تعلقي ڏوڪري جي جنرل سيڪريٽري سردار علي ڏنو خان گاڏھي چيو ته 27 ڊسمبر تي شھيد راڻي جي چوڏھين ورسي ۾ وڏي انگ ۾ شريڪ ٿيو هن چيو ته شھيد راڻي بينظير ڀٽو عوام جي لاء جان جي قرباني ڏئي شھيد ٿي وئي.هوڏانهن انفارميشن سيڪريٽري محمد جمن ٻگهيو چيو ته مان ڪو سردار ناهيان مان هڪ ڪارڪن آھيان هن چيو ته مان پاڪستان پيپلز پارٽي جو ورڪر آھيان هن چيو ته بينظير ڀٽو سڄي دنيا جي ليڊر هئي 27 ڊسمبر تي ورڪر جيالا وڌ ۾ وڌ شھيد راڻي جي ورسي ۾ شريڪ ٿيو.ان موقعي تي حافظ رجب سولنگي اياز جت غلام محمد ڏيرو نصير مير بحر عابد جوڻيجو ڪريم بخش چنو اسد علي سرگاڻي حبيب عالماڻي علي بخش ميتلو واحد بخش سرگاڻي رضا محمد کوکر زاهد حسين سيهڙ وڪيل قاضي ديدار جوڻيجو وسيم سرگاڻي ۽ ٻين اجلاس ۾ شرڪت ڪئي.