ٺٽي ۾ پورهيت جو گهرواري سميت ڀاءُ خلاف احتجاجي مظاهرو

ٺٽو( رپورٽ شفيق ڀٽي)ٺٽي جي ڪاراني محله جي رهائشي مسمات شائسته ۽ سندس مڙس ياسين ڪاٺيواڙي ميمڻ عوامي پريس ڪلب ٺٽو ۾ پهچي پريس ڪانفرنس ڪندي چيو آهي ته سندن ٺٽي شهر جي شاهي بازار ۾ هڪ دڪان آهي جيڪو دڪان خانداني ورهاست ياسين ۽ سندس ڏير غفار ميمڻ کي مليو هو جنهن ۾ غفار ميمڻ کي 2008 ۾ سندس حصي جا ڇھ لک ڏنا هئا جنهن کانپو۽ دڪان ياسين جو ذاتي مالڪي هيٺ آيو وري به سندس ڀائرن 2015 ع ۾ ساڳي طرح ملي ڀڳت ڪري دڪان تي اعتراض ڪيو وري دوباره هنن کان 13 لک غفار جي حصو ظاهر ڪري رقم وصول ڪئي وئي جڏهن ته ان ٽائيم کان دڪان سندن وڏي ڀا۽ کي سليم ميمڻ کي ڪرائي تي ڏنل هو جيڪو پڻ کين دڪان جو ٽي هزار مهينو ڪرائي طور ڏيندو پر گذريل ٻه سالن کان اهو ڪرايو به کين نه ملي رهيو هو جنهن ڪري دڪان کان بند پيل آهي ياسين ۽ سندس زال شائسته الزام هنيو آهي ته هاڻ ڊاڪٽر حنيف ميمڻ سليم ميمڻ ٻيا هنن جو دڪان قبضو ڪرڻ چاهين ٿا ۽ سندن ذاتي دڪان تان کين بيدخل ڪرڻ جي ڪوشش ڪري رهيا آهن جڏهن دڪان جو مڪمل رڪارڊ سندن نالي تي آهي غفار کي به ياسين کان سندس حصو ٻه دفعا ڏياريو ويو آهي هنن الزام هنيو ته هو دڪان جي تعمير ڪرڻ چاهين ٿا ته مذڪوره ماڻهون ٺٽو پوليس جي مدد کين حراسان ڪري رهيا آهن کين دڪان جي تعمير وغيره نٿي ڪرڻ ڏني وڃي متاثره مسمات شائسته اهو به الزام هنيو ته سندس مڙس کي سندس ڏيرن خطري ناڪ قسم جو گوريون کارايون جنهن سبب سندس ذهني توازن به ٺيڪ نٿو رهي هو ذهني طور ٺيڪ نٿو رهي جنهن ڪري هنن وٽ سندن هڪ ئي گذر سفر جو ذريعو اهو دڪان ئي بچيو جيڪو سندس ڏير ڦاٻائڻ گهرن ٿا جيڪي کين مسلسل پوليس مدد سان حراسان ۽ پريشان ڪري رهيا جڏهن ته ٺٽو پوليس به انهن جي مڪمل ڌر بڻيل آهي جيڪا کين سخت پريشان ڪري رهي آهي متاثره فيملي ايس ايس پي ٺٽو ڊي آئي جي حيدرآباد آئي جي سنڌ سميت اعلي اختيارين کان فوري تحفظ ۽ انصاف جو مطالبو ڪيو آهي