نوشهروفيروز ويجهو ڳوٺ محمد عرس ڀٽي واسي عورتن جو پوليس خلاف احتجاج

پوليس اٽالن عبدالرئوف ڀٽي جي گهر ۾ گهڙي چادر ۽ چوديواري جو تقدس پائمال ڪيو: عورتون

نوشهروفيروز(ڊ ر)نوشهروفيروز ويجهو ڳوٺ محمد عرس ڀٽي جي ڳوٺاڻي عبدالرئوف ڀٽي جي گهر ۾ ابڙان پوليس جي ايس ايڇ او نصراللٌه جانوري وڏا پوليس اٽالا ساڻ ڪري سندس گهر ۾ گهڙي چادر ۽ چوديواري جو تقدس پائمال ڪري عورتن،مردن ۽ ٻارڙن مٿان سخت تشدد ڪري ڏنو پوليس جي اهڙي عمل خلاف ڳوٺاڻن عبدالرئوف ڀٽي ۽ سندس عورتن قرآن پاڪ هٿ ۾ کڻي سخت احتجاج ڪندي ميڊيا آڏو دانهيندي چيو ته پوليس اسان سان انتها درجي جي ناجائزي ڪندي اسان جي مردن،عورتن توڙي ٻارڙن مٿان سخت تشدد ڪري گهر ۾ رکيل سون،هڪ لک روپيا روڪ رقم سميت گهر جو قيمتي سامان ڀڃي ڀورا ڪري ڇڏيو آهي هنن وڌيڪ چيو ته پوليس اسان مردن عبدالرئوف ڀٽي ۽ ٻين کي مارائڻ چاهي ٿي ان اسان صوبائي گهرو وزير ضياءٗالحسن لنجار،آءِ جي سنڌ جاويد عالم اوڍو ۽ ايس ايس پي نوشهروفيروز روحل کوسو کي اپيل ٿا ڪريون ته اسان سان ٿيل ناجائزي جو فوري نوٽيس وٺي ايس ايڇ او نصراللٌه جانوري ۽ ان سان آيل پوليس عملدارن خلاف سخت کان سخت ڪاروائي ڪري اسان کان ڦريل سون ۽ هڪ لک روپيا روڪ رقم واپس ڪرائي اسان کي تحفظ فراهم ڪيو وڃي۔