ملير: نوجوان ناري معصوم نياڻي سميت هڪ هفتي کان پراسرار نموني گم

گهرواري رخسانه 4ورهين جي ڌيءَ سان گڏ هفتي کان گم آهي: مڙس لياقت علي

ملير (رپورٽ: عبدالرشيد مورجھريو) اسٽيل ٽائون ٿاڻي جي حد فلٽر پلانٽ واري علائقي مان 28 ساله عورت مسمات رخسانه زال لياقت علي پنهنجي چار ساله معصوم نياڻي صميه سميت هڪ هفتي کان پراسرار نموني گم آهي ۔ جنهن ڪري وارث سخت پريشاني جو شڪار آهن، ڄاڻايل عورت جي مڙس لياقت علي ٻڌايو آهي ته سندس گهرواري 31 ڊسمبر 2025 تي سس سان معمولي اڻبڻت سبب پيڪين وڃڻ لاء گهران نڪتي ۔جنهن جو اڃان تائين ڪوبه ڏس پتو نه آهي ،لياقت علي موجب هن پنهنجي گهرواري ۽ معصوم ڌيءَ جي هر ممڪن هر هنڌ ڳولا ڪئي آهي مائٽن ۽ سڃاتل ماڻهن کان به پڇا ڪئي پر ڪٿي به ڪوبه ڏس پتو نه ملي سگهيو آهي۔ هن جو چوڻ آهي ته کيس خدشو آهي ته متان سندس گهرواري ۽ نياڻي کي اغوا نه ڪيو ويو هجي هن چيف جسٽس سنڌ هاءِ ڪورٽ، آءِ جي سنڌ ۽ ايس ايس پي ملير کان پرزور مطالبو ڪيو آهي ته معاملي جو فوري نوٽيس وٺي انصاف فراهم ڪيو وڃي ۽ سندس معصوم ڌيءَ صميه سميت گهرواري مسمات رخسانه جي جلد بازيابي لاءِ خاص قدم کنيا وڃن۔