ايس ايس پي ملير ڊاڪٽر عبدالخالق جي نون ڀرتي ٿيل پوليس اهلڪارن سان ملاقات
490کان وڌيڪ ڪانسٽيبل ۽ ليڊي ڪانسٽيبلز کي فورس ۾ ڀليڪار ڪريان ٿو: ايس ايس پي ملير
ملير (عبدالرشيد مورجھريو)ايس ايس پي ملير ڊاڪٽر عبدالخالق تازو ڀرتي ٿيل 490 کان وڌيڪ ڪانسٽيبلز ۽ ليڊي ڪانسٽيبلز سان ملاقات ڪئي۔ان موقعي تي ايس ايس پي ملير نون اهلڪارن کي پوليس فورس ۾ ڀليڪار ڪندي کين پوليس جي نظم و ضبط، عوامي خدمت ۽ پيشاور ذميوارين بابت آگاهه ڪيو۔ ڊاڪٽر عبدالخالق چيو ته پوليس اهو ادارو آهي جيڪو هر مشڪل وقت ۾ عوام سان سڀ کان اڳ بيٺو هوندو آهي، عوام جي جان ۽ مال جو تحفظ پوليس جو اولين فرض آهي۔هن زور ڏنو ته نوان اهلڪار ايمانداري، جذبي ۽ فرض شناسي سان پنهنجون ذميواريون نڀائن ته جيئن عوام جو پوليس تي اعتماد وڌيڪ مضبوط ٿئي۔ ايس ايس پي ملير چيو ته پوليس ۾ شموليت هڪ وڏي ذميواري آهي، تنهنڪري نوان اهلڪار پنهنجون صلاحيتون عوامي خدمت لاءِ استعمال ڪن۔
0 تبصرے