ڏوڪري ۾ سنڌي ڪلچر جي ارتقا ۽ سنڌي سماج جي عنوان هيٺ ليڪچر پروگرام منعقد

نوجوان سماجي اتحاد پاران منعقد پروگرام ۾ گسٽا اڳواڻ علي بخش پٺاڻ، عثمان جيسر، زين پيرزادو ۽ ٻيا شريڪ

ڏوڪري (رپورٽر) ڏوڪري ۾ نوجوان سماجي اتحاد تعلقي ڏوڪري پاران سنڌي ڪلچر جي ارتقا ۽ سنڌي سماج جي عنوان هيٺ ليڪچر پروگرام منعقد ڪيو ويو آهي. ليڪچر پروگرام ۾ سياسي سماجي، اديبن، صحافين گسٽا اڳواڻ علي بخش پٺاڻ، عثمان جيسر، زين پيرزادو، نديم جوڻيجو، ارشاد ٻگهيو، عمير لطيف جوڻيجو، ساجد باغ جتوئي، ظهير بسمل، دانيال پيرزادو، شعور پيرزادو، نثار ميهر کوکر، شيراز سومرو، نعيم ٿهيم ۽ ٻين شرڪت ڪئي. ان موقعي تي ليکڪ عسي ميمڻ خطاب ڪندي چيو ته سنڌي سماج تاريخ جي آئيني ۾ گهڻو وقت ڌارين جي غلامي ۽ جبر جو شڪار رهي آهي سب هر باوجود به سنڌي ڪلچر ايترو ته شاهوڪار آهي جو شديد غلامي واري دور ۽ به پاڻ کي بچائيندو ۽ ارتقا جون منزل طئي ڪندو اڳتي وڌندو رهي ٿو. هن وڌيڪ چيو ته ماضي ۾ اجرڪ پائڻ کي ڌاڙيل ڪلچر سمجهيو ويندو هو اڄ دنيا جي هر ماڻهو ۽ قوم اجرڪ پائي فخر محسوس ڪري ٿي اها سنڌي ڪلچر جي فتح آهي.