گڏاپ ۾ هڪ هفتي کان بجلي بند، 100 ڳوٺن جا رهواسي سراپا احتجاج بڻيل

مختلف ڳوٺن جي رهواسين پاران گرڊ اسٽيشن اڳيان ڌرڻو هنيو ويو، بجلي بحال ڪرڻ جو مطالبو

ملير (رپورٽ: عبدالرشيد مورجھريو) گڏاپ جي لڳ ڀڳ 100 ڳوٺن ۾ گذريل هڪ هفتي کان بجلي بند هجڻ خلاف رهواسين جو صبر جواب ڏئي ويو متاثر علائقن جي رهواسين گرڊ اسٽيشن جي آڏو ڌرڻو هنيو ۽ گڏاپ سٽي روڊ تي ٽائرن کي باهيون ڏئي روڊ مڪمل طور بند ڪري ڇڏيو احتجاج ڪندڙن پاران ڪي اليڪٽرڪ انتظاميا خلاف سخت نعريبازي ڪئي وئي ۽ چيو ويو ته مسلسل لوڊشيڊنگ ۽ بجلي جي بندش سبب علائقو پوري طرح تڪليف ۽ بحران جو شڪار بڻجي ويو آهي۔رهواسين جو چوڻ هو ته هڪ هفتي کان بجلي بند هجڻ سبب پيئڻ جي پاڻيءَ جو شديد بحران پيدا ٿي ويو آهي، واٽر سپلائي اسڪيمون ۽ گهرن جا موٽر مڪمل طور بند پيل آهن، جنهن ڪري عورتن ۽ ٻارن کي وڏي تڪليف آهي۔انهن ٻڌايو ته بجلي نه هجڻ ڪري ڪاروباري سرگرميون به بند ٿي ويون آهن ۽ مقامي مارڪيٽون ويران ٿي ويون آهن، جڏهن ته رات جي وقت علائقو مڪمل اونداهي ۾ ٻڏي ويندو آهي رهواسين الزام لڳايو ته ڪي اليڪٽرڪ انتظاميا گذريل هڪ سال کان گڏاپ سان زيادتي ڪري رهي آهي، شڪايتون ڪرڻ باوجود ڪنهن به قسم جو حل نه نڪتو آهي احتجاج ڪندڙن اعلان ڪيو ته بجلي جي بحالي تائين احتجاج جاري رهندو ۽ جيڪڏهن فوري طور تي بجلي فراهمي بحال نه ڪئي وئي ته احتجاج جو دائرو وڌايو ويندو احتجاج سبب گڏاپ سٽي کان سپر هاءِ وي ڏانهن ايندڙ ۽ ويندڙ ٽريفڪ معطل ٿي وئي، جنهن ڪري مسافرن ۽ ڊرائيورن کي به شديد پريشاني کي منهن ڏيڻو پيو۔