ٺٽي ۾ محسن هائوس تي پ پ جو جلسو، وڏي انگ ۾ اڳواڻ ۽ جيالا شريڪ، جيئي ڀٽو جي نعرن جي گونج

جلسي ۾ صوبائي وزير حاجي علي حسن زرداري، صوبائي وزير رياض شاهه شيرازي، ايم پي اي رخسانه شاهه ۽ ٻيا شريڪ

ٺٽو (محمد شفيق ڀٽي)محسن هائوس ٺٽو ۾ اڄ پاڪستان پيپلزپارٽي جي 58هين يومِ تاسيس جي موقعي تي وڏي عوامي جلسي جو انعقاد ڪيو ويو، جنهن ۾ ضلعي جي مختلف علائقن کان پارٽي جي ڪارڪنن، اڳواڻن ۽ معزز شخصيتن وڏي انگ ۾ شرڪت ڪئي.جلسي جي صدارت صوبائي وزير جيل خانہ جات حاجي علي حسن زرداري ڪئي ، ان موقعي تي نوجوان اڳواڻ عاشق حسين زرداري جلسي ۾ شرڪت ڪندڙن جي آجيان ڪئي۽ انهن جي ڀرپور شرڪت تي سندن ٿورا مڃيا. هنن چيو ته پاڪستان پيپلزپارٽي هميشه عوامي حقن جي محافظ رهي آهي ۽ ان اھو جذبو ئي پارٽي کي وڌيڪ منظم ۽ مضبوط بڻائي ٿو.جلسي دوران بلاول ڀٽو زرداري وڊيو لنڪ ذريعي خطاب ڪيو، جنهن ۾ هن پارٽي جي تاريخي ڪردار، عوامي ڀلائي لاءِ ڪيل خدمتن، ۽ ملڪ ۾ پيپلزپارٽي پاران جهموريت لاءِ ڏنل قربانين جو ذڪر ڪندي پيپلز پارٽيءَ جي اهميت ۽ ضرورت تي زور ڏنو. بلاول ڀٽو چيو:پاڪستان پيپلزپارٽي هميشه عوام جي طاقت ۽ حقن جي نمائندگي ڪندي آئي آهي.18هين آئيني ترميم پارٽي جي تاريخي ڪاميابي آهي، جنهن صوبن کي وڌيڪ خودمختياري ڏني.اسان جي پارٽي جي ڪوششن سبب 27هين آئيني ترميم ملڪ ۾ سياسي استحڪام، شفافيت ۽ پارلياماني جهموريت جي فروغ ۾ اهم ڪردار ادا ڪيو آهي.ھن چيو ته پيپلزپارٽي عوام لاءِ صحت، تعليم ۽ زرعي سڌارن ۾ نمايان قدم کنيا آهن.پارٽي عورتن جي سياسي شموليت وڌائڻ ۽ نوجوانن کي سياسي ميدان ۾ سرگرم ڪرڻ ۾ اڳواڻي ڪري رهي آهي.ھن وڌيڪ چيو ته پارٽي شهيدن جي مشن ۽ جدوجهد کي اڳتي وڌائيندي رهندي.ھن چيوته ملڪ ۾ جهموريت جي استحڪام ۽ معاشي انصاف لاءِ متحد ٿي ڪم ڪرڻ ضروري آهي.تقريب ۾ ٻين اڳواڻن سان گڏ ضلعي ڪائونسل ٺٽو جي چيئرمين عبد الحميد پنھور، ايم پي اي رخسانه شاهه، پارٽي جي ضلعي جنرل سيڪريٽري امتیاز قریشي، سيد محمود عالم شاهه، رئیس عبدالعزیز جماري، عوامي پريس ڪلب ٺٽو جي صدر بلاول سموں، صوبائي وزير سيد ریاض حسین شاہ شیرازی، ادا محمد میمن سميت ڪيترن ئي ماڻهن شرڪت ڪئي.بلاول ڀٽو جي خطاب کان پوءِ يومِ تأسيس جو ڪيڪ ڪٽيو ويو ۽ شاندار آتشبازي ڪئي وئي. تقريب جي پڄاڻي تي پيپلزپارٽي جي نعرن ۽ گيتن سان ماحول وڌيڪ پرجوش بڻجي ويو.