ملير: هاشم مهر علي جوکيو ڳوٺ ڀرسان مال جي واڙي ۾ باهه، 5 ڍور سڙي مري ويا

حاجي پيرل بلوچ جي واڙي ۾ اوچتو باھ لڳي وئي، 5 ڍور سڙي مري ويا، ڪيترائي ڍور زخمي

ملير (رپورٽ: عبدالرشيد مورجھريو)هاشم مهر علي جوکيو ڳوٺ ڀرسان واقع باغ ۾ قائم حاجي پيرل بلوچ جي واڙي ۾ اوچتو باھ لڳي پئي، جنهن سبب واڙي ۾ بند ٿيل ڍور باهه جي لپيٽ ۾ اچي ويا. حادثي جي نتيجي ۾ 5 ڍور سڙي موقع تي ئي مري ويا، جڏهن ته ٻيا ڪيترائي ڍور زخمي ٿيڻ جا به اطلاع آهن ڳوٺاڻن موجب باهه رات دير سان لڳي، جنهن کي ڏسندي ئي ڳوٺ جا ماڻهو فوري طور واقعي واري هنڌ پهتا ۽ پنهنجي مدد پاڻ تحت باهه تي قابو آندو ، جنهن سان وڌيڪ نقصان ٿيڻ کان بچي ويو حادثي جي سببن بابت اڃا تائين پڪ سان ڪجهه چئي نٿو سگهجي، پر ابتدائي طور چيو پيو وڃي ته ٻارڻ لاءِ رکيل ڪاٺ يا چلهه مان لڳي. پوليس جاچ شروع ڪري ڇڏي آهي متاثر ڌڻي حاجي پيرل بلوچ جو چوڻ آهي ته 5 قيمتي ڍورن جي مرڻ سبب کيس لکين روپين جو نقصان ٿيو آهي. هن ضلعي انتظاميا کان مطالبو ڪيو آهي ته تفصيلي جاچ ڪرائي واقعي جو سبب معلوم ڪري متاثر ڌڻي جي مالي مدد ڪئي وڃي.