پ پ ايم پي اي نواب تيمور ٽالپر جي ايس ايس پي عمرڪوٽ تي الزامن بعد پوليس جون ڪارروائيون تيز

پوليس مختلف علائقن ۾ ڪارروائي ڪري ڪيترن ئي منشيات فروشن کي گرفتار ڪري ورتو

عمرڪوٽ (رپورٽ:ڪانجي مل رکيسر) پي پي پي رڪن سنڌ اسيمبلي نواب تيمور ٽالپور ۽ ايس ايس پي عمرڪوٽ جي وچ ۾ جاري ٿڌي جنگ کان پوءِ پوليس جي تيزي، ايس ايس پي عمرڪوٽ عزير احمد جي هدايتن تي ضلعي ڀر ۾ منشيات ۽ مضر صحت شين خلاف ڪریک ڊائون شروع. ان سلسلي ۾ پوليس اڄ مختلف ڪارروائين دوران منشيات ۽ گٽڪو هٿ ڪندي ٽي جوابدار گرفتار ڪيا. منشيات ۽ مضر صحت گٽڪو مين پوري هٿ.تفصيل موجب گذريل ڏينهن پي پي پي رڪن اسيمبلي نواب تيمور ٽالپور طرفان ايس ايس پي عمرڪوٽ تي لڳايل الزامن کان پوءِ آءِ جي سنڌ پوليس غلام نبي ميمن طرفان اسپيشل برانچ کان رپورٽ طلب ڪرڻ کان پوءِ ايس ايس پي عمرڪوٽ تيزي ڏيکاري ڪنري ۾ منشيات فروشن ۽ گٽڪا مافيا خلاف گهيرو تنگ ڪري ڇڏيو. ڪنري پوليس بلوچ محلي ۽ شهر جي ڪيبنن تي ڇاپا هنيا. پوليس ڪارروائي دوران اڪبر عرف عقيل بلوچ کي گرفتار ڪيو، جنهن جي قبضي مان 13 گرام آئس هٿ آئي. مقدمو داخل.ٻي ڪارروائي دوران رُستم چانڊيو کي گرفتار ڪيو ويو، جنهن جي قبضي مان 95 سفينا پوري (مضر صحت گٽڪو/پُڙي) هٿ آئي. مقدمو داخل. ٽئين ڪارروائي دوران ڪنري پوليس عمر شاهه مارواڙي کي گرفتار ڪيو، جنهن جي قبضي مان 5 پيڪٽ سفينا هٿ آيا. مقدمو داخل.ان سلسلي ۾ ايس ايس پي عمرڪوٽ عزير احمد ميمن جو چوڻ هو ته ضلع پوليس عمرڪوٽ جي منشيات فروشن ۽ سماج دشمن عنصرن خلاف ڪارروائيون بنا امتياز جاري رهنديون. جڏهن⁠ت⁠ه پوليس طرفان اڃا تائين وڏن منشيات فروشن ۽ گٽڪو ٺاهيندڙن خلاف ڪارروائي سواليا نشان بڻيل آهي. شهري مطالبو ڪن ٿا ته وڏن مگرمڇن خلاف به قدم کنيا وڃن، جيئن نوجوان نسل کي منشيات ۽ زهريلي گٽڪي کان محفوظ رکجي.