ڪراچي ۾ ترقياتي ڪم صرف ايم ڪيو ايم پاڪستان ڪرائي سگهي ٿي: بشير رند

سهراب ڳوٺ ۽ فقيرا ڳوٺ مان ايم ڪيو ايم پاڪستان جا اڳواڻ ۽ ڪارڪن جلسي ۾ شرڪت لاءِ قافلن جي صورت ۾ روانا

ملير(عبدالرشيد مورجھريو) ايم ڪيو ايم پاڪستان کي وفاق طرفان ڪراچي ترقياتي پئڪيج ملڻ تي اڳواڻن پاران جشن ملھائڻ لاءِ ھڪ عظيم عالي شان جلسو منقعد ڪيو ويو جنهن ۾ فقيرا ڳوٺ، سھراب ڳوٺ مان ايم ڪيو ايم پاڪستان جي اڳواڻن بشير احمد رند ، محمد موسيٰ شيخ ، گڊو ڀائي، شير محمد ڇٽو ، ياسين مغيري، جي اڳواڻي ۾ سوين ماڻهن جو قافلو بسن موٽر سائيڪلن ڪار گاڏين تي جلسي ڳالھ لاءِ روانو ، ان موقعي تي اڳواڻن ڳالھائيندي چيو ته ڪراچي لاءِ ترقياتي ڪم صرف ايم ڪيو ايم پاڪستان ڪرائي سگهي ٿي، انھن چيو ته ڪراچي سميت پوري سنڌ ۾ پيپلزپارٽي جي 18 سالن جي حڪومت ڪنڊرات بڻائي ڇڏيو، انھن چيو ته ايم ڪيو ايم جي دور ۾ ڪراچي کي روشنين جو شھر سڏيو ويندو هو اڄ اھو شھر تباھي جو ڏيک ڏئي رھيو آھي ، انھن چيو ته اسان کي اميد آهي ته گورنر سنڌ، ۽ ايم ڪيو ايم جي وفاقي رھنمائن جي ڪوششن سان ڪراچي شھر وري ھڪ ڀيرو روشنين جو شھر ڏسڻ ۾ ايندو ، انھن چيو ته سھراب ڳوٺ جا اڳواڻ جلد ايم ڪيو ايم جي چونڊيل نمائندن سان ملاقات ڪري پنهنجي علائقي لاءِ ترقياتي بجيٽ منظور ڪرائيندا ، انھن چيو ته ايم اين اي فاروق ستار ۽ ايم اين اي اقبال محسود وفاقي فنڊ مان پنهنجي حلقي ۾ ترقياتي ڪم ڪرائي رھيا آھن پر سنڌ گورنمينٽ انھن ڪليئرنس نوٽيفڪيشن جاري ڪرڻ لاءِ تيار ڪونهي، اسان چئون ٿا جيڪڏهن اوهان پنهنجي نااھلي کي لڪائڻ لاءِ ايم ڪيو ايم پاڪستان جي ترقياتي ڪمن ۾ رڪاوٽ وجھندا ته اھو عوام سان ظلم آهي،