شڪارپور ڀرسان چانڊيا برادري جي ٻن ڌرين ۾ جهيڙو، عورت سميت 6 ڄڻا زخمي

ڳوٺ قابل چانڊيو ۾ پيئسن جي ڏيتي ليتي تان جهيڙي دوران لٺين ۽ سروٽن جو وسڪارو

شڪارپور(احسان ابڙو) شڪارپور ڀرسان نيوفوجداري ٿاڻي جي حد ڳوٺ قابل چانڊيو ۾ پيئسن جي ڏيتي ليتي تان چانڊيا برادري جي ٻن ڌرين ۾ جھيڙو ٿي پيو جھيڙي ۾ لٺيون سروٽا لڳڻ سبب فريد چانڊيو جي ڌر جا عورت اللہ بچائي سميت 6 ڄڻا فريد احمد,ڪريم بخش,جلال, زوھيب ۽ شھزادو چانڊيو زخمي ٿي پيا جن کي سول اسپتال منتقل ڪيو ويو, زخمي ٿيل فريد چانڊيو جي ڌر پريس ڪلب پھچي ميڊيا آڏو احتجاجي مظاھرو ڪندي فريد احمد,مسمات اللہ بچائي,جلال ۽ ٻين چيو تہ پنھنجي برادري جي ماڻھن سان پيئسن جي ڏيتي ليتي ڪئي ھئي,پيئسہ گھرڻ تان منير چانڊيو,محمد وريل چانڊيو,اختيار چانڊيو,فتع علي,وسيم ۽ ٻين صبع اسان جي گھر تي ڪاھ ڪري عورتن ٻارن مٿان تشدد ڪري ڌڪ ھڻي زخمي ڪري فرار ٿي ويا آھن,ھنن ٻڌايو اڳ بہ حملي آور ڌر اسان مٿان ڪوڙي ايف آء آر داخل ڪرائي ھئي جنھن جي حاضري لاء ڪورٽ ويا ھئاسين تہ اسان جي غيرموجودگي ۾ گھر مٿان حملو ڪيو ويو آھي,اسان زخمين کي اسپتال منتقل ڪري رھيا ھئاسين تہ وري ٻيھر باء پاس تي اسان سڀني مٿان منير,وريل, اختيار وارن ھٿيارن ۽ لٺين سان حملو ڪري ڌڪ ھڻي ويا آھن,ھنن آء جي سنڌ, ڊي آء جي لاڙڪاڻو,ايس ايس پي شڪارپور, ڊي ايس پي پارس بکراڻي سميت اعلي اختيارين کان گھر ڪئي آھي,خدارا بااثر منير چانڊيو جي ڌر کان اسان کي تحفظ فراھم ڪري اسان سان انصاف ڪيو وڃي,ملوث جوابدارن کي گرفتار ڪري سخت سزا ڏني وڃي.