خيرپور جي مل ڪالوني واسڻ ناري عدالت پهچي وئي، پٽيشن داخل

views | 01st Sep 2025 • سنڌي خبرون

آصف لاشاري کان ڇهه مهينا اڳ طلاق وٺڻ بعد حبيب الله سان نڪاح ڪيو آهي: امينا ابڙو

خيرپور جي مل ڪالوني واسڻ ناري عدالت پهچي وئي، پٽيشن داخل

خيرپور (ڊ ر) خيرپور جي عدالت ۾ مل ڪالوني جي رهواسڻ طرفان ٻن ٿاڻن جي ايس ايڇ اوز ۽ اڳوڻي مائٽن خلاف پٽيشن داخل، جرڳو ڪري ڪارنهن الزام هيٺ مارڻ ۽ ڪوڙن ڪيسن ۾ڦاسائڻ جي ڌمڪين جا الزام، تحفظ فراهم ڪرڻ جو مطالبو. خيرپور جي سيشن جج منور سلطانه جي عدالت ۾ پراڻو ناڪو مل ڪالوني خيرپور جي رهواسڻ نوجوان ناري مسمات امينه زال حبيب الله ابڙو بي سيڪشن ٿاڻي خيرپور ۽ وومين ٿاڻي خيرپور جي ايس ايڇ اوز، ۽ پراڻو ناڪو مل ڪالوني خيرپور جي رهواسي آصف، بادشاهه، مريد لاشاري، غلام سرور چانڊيو، وزير لاشاري ۽ مسمات وزيران زال وزير لاشاري خلاف جرڳو ڪرائي ڪارنهن الزام هيٺ قتل ڪرائڻ ۽ ڪوڙن ڪيسن ۾ ڦاسائڻ جي ڌمڪين خلاف آئيني پٽيشن داخل ڪرائي ڇڏي آهي پٽيشن ۾ موقف اختيار ڪيو ويو آهي ته هن جي اڳ شادي مل ڪالوني خيرپور جي رهواسي آصف لاشاري سان ٿيل هئي جنهن کيس اٽڪل 6 مھينا اڳ اڳ سخت تشدد بعد طلاق ڏئي گهران ڪڍي ڇڏيو. هن وڌيڪ ڄاڻايو آهي ته هاڻ شريعت محمدي مطابق حبيب الله سان نڪاح ڪيو آهي جنهن ڳالهه تان ناراض ٿي اڳوڻو مڙس آصف لاشاري ۽ سندس مائٽ جرڳو ڪرائي اسان مٿان ڪوڙو ڪارنهن الزام مڙهي اسان جي گهرن ۾ گهري مارائڻ ۽ ڪوڙن ڪيسن ۾ ڦاسائڻ جون ڌمڪيون ڏيئي رهيا آهن جنهن ڪري سندن زندگين کي خطرو آهي. هنن عدالت کي استدعا ڪئي ته کين تحفظ فراهم ڪري سندن زندگيون بچايون وڃن. عدالت سندن پٽيشن ٻڌڻ جوڳي قرار ڏيندي بي سيڪشن ٿاڻي ۽ وومين ٿاڻي جي ايس ايڇ اوز ۽ ٻين خلاف نوٽيس جاري ڪندي کين عدالت ۾ طلب ڪري ورتو آهي.