نوشهروفيروز ۾ لائيو اسٽاڪ کاتي پاران جانورن جي مفت ويڪسنيشن ڪئيمپون قائم

views | 31st Aug 2025 • سنڌي خبرون

ڊپٽي ڊائريڪٽر لائيو اسٽاڪ ڊاڪٽر رائو اڪرم راجپوت ۽ ڊي جي لائيو اسٽاڪ حزب الله ڀٽو ڪئيمپن جو جائزو ورتو

نوشهروفيروز ۾ لائيو اسٽاڪ کاتي پاران جانورن جي مفت ويڪسنيشن ڪئيمپون قائم

نوشهروفيروز (ڊ ر) لائيو اسٽاڪ کاتي پاران تازين برساتن ۽ دريا ۾ ٻوڏ واري صورتحال سبب ضلعي اندرايمرجنسي صورتحال جي سلسلي ۾ سنڌو دريا جي مختلف ھنڌن تي جانورن جي مفت ويڪسنيشن ڪئيمپون قائم ڪيون ويون آھن ۔ 24 ڪلاڪ ووٽنري عملو موجود ۔ڊپٽي ڊائريڪٽر لائيو اسٽاڪ ضلعو نوشھروفيروز ڊاڪٽر رائو اڪرم راجپوت ۽ ڊي جي لائيو اسٽاڪ حزب الله ڀٽو ڪئيمپن جو پاڻ جائزو ورتو ۔ پوري ضلعي ۾ لائيواسٽاڪ عملو ايمرجنسي صورتحال ۾ الرٽ آھي ان موقعي تي ميڊيا سان ڳالهائيندي عملدارن چيو ته مالوند اسان جي بندن تي موجود عملي سان مڪمل تعاون ڪن ته جيئن ڪچي مان نڪتل چوپائي مال کي ويڪسن ڪري سگهجي هن چيو ته ضلعي مان گذرندڙ بند تي 23 رليف ڪئمپون قائم ڪيون ويون آهن ته جيئن وقت سر مالوندن جي ڪم اچي سگهجي