سيد زين شاهه شهيد زاهد ۽ عرفان لغاري جي وارثن وٽ پهتو، سندس اڳواڻي ۾ هزارين ماڻهن جي مورو تائين ريلي ۽ جلسو

هزارين ماڻهن شهيدن جي آخري آرامگاهه تي حاضري ڀري سندن وارثن سان هر موڙ تي ساٿ نڀائڻ جو وچن ورجايو

مورو (جاني جماڻي) سنڌ يونائيٽيڊ پارٽيءَ پاران مورو سانحي جي شهيدن زاهد لغاري ۽ عرفان لغاري جي رت سان انصاف لاءِ، بيگناھ گرفتارين، ڪارپوريٽ فارمنگ ذريعي سنڌ جي زمينن تي قبضي، سنڌ جي پاڻي ۽ معدني وسيلن جي ڦرلٽ، 26 هين، 27 هين ترميمن ۽ پيڪا ايڪٽ خلاف ايس يو پي صدر ۽ سنڌوءَ درياءَ بچايو تحريڪ جي ڪنوينر سيد زين شاھ جي اڳواڻي ۾ مورو مارچ ڪيو ويو، مارچ ۾ ايس يو پي کان علاوه مختلف سياسي سماجي علمي ادبي قومپرست تنظيمون ليڊيز ونگ، شھيدن وارث عورتن وڏي انگ ۾ ڪئي. سيد زين شاھ جي سرواڻي ۾ نڪتل مورو مارچ ڳوٺ بجراڻي لغاري ۾ شهيدن جي مزارن تي حاضري ڀري گلن جي چادر چاڙھي دعا گھرڻ بعد قافلي کي صورت مورو دادو باءِ پاس تي پھتو جتان پيادل مورو مارچ شروع ڪيو ويو جنھن جي اڳواڻي سيد زين شاھ، روشن علي ٻرڙو، ڊاڪٽر نياز ڪالاڻي، ايڊووڪيٽ عامر نواز وڙائچ، حسيب جمالي، ڪي بي لغاري، پنھل ساريو، منير حيدر شاھ، ڊاڪٽر زين ڀٽو، الطاف خاصخيلي، اياز حسين قمي، مھر ڊٻائي، ايڊووڪيٽ قادر بخش ڪورائي، ايڊووڪيٽ گلزار عالماڻي، رياض ڪاڪيپوٽو ۽ ٻيا ڪري رھيا ھئا. پيادل ريلي مختلف رستن کان ٿيندي مورو شهر مين روڊ تي پھتو جتي جلسو منعقد ڪيو ويو