ملير: اسٽيل ٽائون ٿاڻي جي حد مان سياسي اڳواڻ خير محمد مگسي کان ڦر

128 views | 26th Aug 2025 • سنڌي خبرون

هٿياربند سياسي اڳواڻ خير محمد مگسي کان هٿيارن جي زور تي ڦر ڪري فرار

ملير: اسٽيل ٽائون ٿاڻي جي حد مان سياسي اڳواڻ خير محمد مگسي کان ڦر

ملير (رپورٽ: عبدالرشيد مورجھريو) اسٽيل ٽائون ٿاڻي جي حد ۾ گذريل رات 11 وڳي شهباز پيٽرول پمپ وٽ ايس ٽي پي جي مرڪزي اڳواڻ خير محمد مگسي ڦورن هٿان ڦرجي ويو خير محمد مگسي حيدرآباد کان واپسي تي بس مان لهڻ بعد گلشن حديد ۾ پنهنجي گهر وڃي رهيو هو ته ٻن هٿياربند موٽر سائيڪل سوار ڦورن کيس روڪي پسٽل جي زور تي موبائيل فون، پرس ۾ موجود روڪ رقم، سڃاڻپ ڪارڊ ۽ ٻيون ضرورت جون شيون کسي ورتيون، جڏهن ته ساڻس موجود ٿيلهي ۾ رکيل ڪپڙن جا ٻه جوڙا به ڦر ڪري فرار ٿي ويا واقعي خلاف علائقي واسين ۽ سياسي ساٿين اعجاز سامٽيو ، يامين گبول ۽ ٻين شديد ردعمل ڪندي واقعي جي سخت مذمت ڪندي مطالبو ڪيو آهي ته اسٽيل ٽائون ٿاڻي جو ايس ايڇ او فوري طور ڦورن کي گرفتار ڪري ڦر ڪيل سامان، موبائيل فون ۽ ڪيش رقم واپس ڪرائي هنن ملير ۾ وڌندڙ بدامني خلاف اچر 30 آگسٽ تي احتجاجي ريلي ڪڍڻ جو اعلان ڪيو