عمرڪوٽ جي سينيئر سياستدان سيد غلام رسول شاهه جي لاڏاڻي تي تعزيت جو سلسلو جاري

وڏي زوير جو خاص معاون راجوير سنگھ سوڍو، صوبائي وزير سيد ذوالفقار علي شاهه، امان الله ٽالپور ۽ ٻيا تڏي تي پهتا

عمرڪوٽ (ڪانجي مل رکيسر) فنڪشنل ليگ جي سينيئر اڳواڻ ۽ سينيئر سياستدان سيد غلام رسول شاهه جي لاڏاڻي تي تعزيت جو سلسلو بدستور جاري آهي، ان موقعي تي اسپيشل اسسٽنٽ سي ايم سنڌ راجوير سنگھ سوڍو، صوبائي وزير سياحت ۽ ثقافت سيد ذوالفقار علي شاهه، سماجي اڳواڻ مير امان الله ٽالپور، مسلم ليگ ن ضلع عمرڪوٽ جي سينيئر وائيس پريزيڊنٽ سيد صفدر علي شاهه، صوبائي وزير دوست محمد راهمون، سياسي ۽ سماجي شخصيت موهن لال موتي ۽ سينيٽر پونجو مل ڀيل سميت ٻين سياسي ۽ سماجي اڳواڻن کاروڙو سيد پهچي مرحوم جي وارثن سان ملاقات ڪئي، اڳواڻن مرحوم جي صاحبزادي سڪندر علي شاهه، ڀائيٽن صوبائي وزير تعليم سيد سردار علي شاهه ۽ ايم پي اي سيد امير علي شاهه سان تعزيت ڪندي گهري ڏک ۽ افسوس جو اظهار ڪيو، ان موقعي تي اڳواڻن چيو ته سيد غلام رسول شاهه اصول پسندي، ايمانداري ۽ عوامي خدمت جي علامت هئا، جن جون سياسي ۽ سماجي خدمتون هميشه ياد رکيون وينديون، مرحوم جي لاڏاڻي سبب عمرڪوٽ ۽ ڀرپاسي وارن علائقن ۾ سوڳ جي لهر ڇانيل آهي، جڏهن⁠ تہ تعزيت لاءِ سياسي، سماجي اڳواڻن ۽ شهرين جي آمد جو سلسلو جاري آهي.