عمرڪوٽ ۾ سنڌ ايمپلائيز الائينس جي سڏ تي اسپتالن جي تالابندي

عمرڪوٽ (رپورٽ:ڪانجي مل رکيسر) سمورن سرڪاري ملازمن جي پينشن سميت جائز مطالبن جي منظوري لاءِ اڄ ڊي ايڇ ڪيو اسپتال عمرڪوٽ ۾ ڊاڪٽرن ۽ پيرا ميڊيڪل عملي او پي ڊي جو مڪمل بائيڪاٽ ڪري اسپتال جي مين گيٽ آڏو احتجاجي ڏرڻو هنيو، احتجاج جي اڳواڻي ڊاڪٽر رئيس مھر، ڊاڪٽر ڪنور مالھي، ڊاڪٽر مدن مالھي، ڊاڪٽر عيسيٰ منگريو، ڊاڪٽر واشديو کتري، ڊاڪٽر جسونت چارڻ، راجا هيمراڻي، محمد حسن، شير محمد درس، فھيم منگريو، پرکو ڪولھي ۽ ٻين ڪئي، ان موقع تي اڳواڻن چيو ته سرڪاري ملازمن جا مسئلا سندن ضروريات زندگيءَ سان ڳنڍيل آهن، پر حڪومت سندن جائز مطالبن کي نظرانداز ڪري رهي آهي، انهن خبردار ڪيو ته جيستائين سرڪاري ملازمن جي پينشن ۽ ٻين حقن بابت مطالبا منظور نه ٿيندا، تيستائين احتجاجي تحريڪ جاري رهندي، احتجاج سبب اسپتال ۾ ايندڙ مريضن کي سخت پريشاني کي منهن ڏيڻو پيو.