ملير: ابراهيم حيدري ۾ نينگري سان مبينا جنسي زيادتي، جوابدار گرفتار

نيو آبادي ليبر ڪالوني ۾ جوابدار پاران ڇهن ورهين جي معذور نينگري سان مبينا جنسي زيادتي

ملير(رپورٽ:عبدالرشيد مورجھريو)ابراهيم حيدري جي نيو آبادي ليبر ڪالونيءَ ۾ انسانيت کي شرمائيندڙ واقعو پيش آيو آھي جتي مبينا طور تي 6 ورهين جي معذور نياڻي سان جنسي ڏاڍائي ڪئي وئي اطلاع ملڻ تي ايس ايچ او ابراهيم حيدري غوث بخش اعواڻ فوري طور تي ڪاروائي عمل ۾ آڻيندي جوابدار طارق ولد دوست محمد کي گرفتار ڪري ورتو پوليس موجب جوابدار کي قانوني تحويل ۾ وٺي ان کان جاچ جاري آهي واقعي بابت ايف آئي آر ابراهيم حيدري ٿاڻي تي داخل ڪئي وئي آھي جڏهن ته متاثر نياڻي کي طبي معائني لاءِ اسپتال منتقل ڪيو ويو آهي پوليس جو چوڻ آهي ته معاملي جي مڪمل جاچ ڪئي پئي وڃي ۽ جوابدار کي قانون تحت سزا ڏيارڻ لاءِ قدم کنيا پيا وڃن. ان موقعي تي ڊي ايس پي سڪڻ شوڪت تنولي ۽ ايس پي ملير ابراهيم حيدري واقعي واري هنڌ پهچي جائزو ورتو ساڳئي وقت، علائقي واسين واقعي تي سخت افسوس ۽ غصي جو اظهار ڪندي مطالبو ڪيو آهي ته نياڻي سان انصاف ڪيو وڃي ۽ جوابدار کي عبرتناڪ سزا ڏني وڃي