راجوير سنگھ سوڍو ۽ انساني حقن کاتي جي سيڪريٽري بين الکاتي رابطن کي وڌيڪَ مضبوط ڪرڻ تي زور ڏنو
عمرڪوٽ/ڪراچي (رپورٽ:ڪانجي مل رکيسر) انساني حقن بابت صوبائي ٽاسڪ فورس جو اهم اجلاس اڄ ڪراچي ۾ انساني حقن کاتي جي معاهدي واري سيل جي آفيس ۾ ٿيو، جنهن جي صدارت معزز خاص معاون راجوير سنگھ سوڍو ڪئي، اجلاس ۾ سنڌ حڪومت جي مختلف لاڳاپيل کاتن جي نمائندن شرڪت ڪئي ۽ انساني حقن سان لاڳاپيل ايجنڊا تي تفصيلي بريفنگون ڏنيون، نمائندن انساني حقن جي تحفظ لاءِ پنهنجن کاتن جي عزم جو ورجاءُ ڪندي يقين ڏياريو ته اجلاس ۾ ٿيل فيصلن ۽ معاملا تي وقت سر ۽ جامع رپورٽنگ يقيني بڻائي ويندي، اجلاس جي آخر ۾ خاص معاون راجوير سنگھ سوڍو ۽ انساني حقن کاتي جي سيڪريٽري بين الکاتي رابطن کي وڌيڪَ مضبوط ڪرڻ ۽ رپورٽنگ جي طريقيڪار کي بهتر بڻائڻ تي زور ڏيندي چيو ته انساني حقن جي نظام کي وڌيڪ موثر بڻائڻ لاءِ گڏيل ڪوششون ناگزير آهن.
0 تبصرے