نوشهروفيروز ضلعي ڪائونسل جو چيئرمين حاجي سهيل اختر عباسي جي صدارت هيٺ بجيٽ اجلاس

نوشهروفيروز (ڊ ر) نوشهروفيروز ضلعي ڪائونسل جو بجيٽ اجلاس چيئرمين حاجي سهيل اختر عباسي جي صدارت هيٺ ٿيو اجلاس ۾ سال 2025 ،26 جي بچت واري بجيٽ اڄ پيش ڪئي وئي سال 2025 /26 جي ڪل آمدني 9868460 ٻڌائي وئي آهي بجيٽ ۾ 656950 بچت ڏيکاري وئي آهي ضلعي چيئرمين اجلاس کي ٻڌايو ته ملازمن جي پگهارن جي مد ۾ 322247104 روپيا رٽائر ملازمن جي پينشن، گريجوئٽي ۽ ٻين معاملن جي لاءِ 104347492 روپيا مذهبي ۽ قومي ڏهاڙن لاءِ 25 لک روپيا ،عورتن جي ڀلائي ۽ غريب نياڻين جي شادي لاءِ 40 لک رپيا راندين جي لاءِ 10 لک روپيا غريب مسڪين معذور ماڻهن جي لاءِ 35 لک رپيا ضلعي جي پريس ڪلبن جي لاءِ 10 لک روپيا ملازمن جي طبي مدد لاءِ 15 لک رپيا غريب شاگردن جي اسڪالرشپ لاءِ 10 لک روپيا ،ڪلچرل شو سماجي ڀلائي ۽ اين جي اوز لاءِ 10 لک روپيا غريب مسڪين خطرناڪ بيمارين ۾ مبتلا ماڻهن جي لاءِ 30 لک روپيا قدرتي آفتن لاءِ 50 لک روپيا معذور ماڻهن کي سائيڪلن ۽ غريب عورتن جي سلائي مشينن لاءِ 10 لک روپيا ٻهراڙيء جي رهندڙ غريب ماڻهن کي سولر سسٽم لاءِ 88 لک روپيا پارڪ جي سار سنڀال ۽ شجرڪاري لاءِ 10 لک روپيا ضلعي اندر ڊسپينسرين جي دوائن لاءِ 10 لک روپيا ضلعي ڪائونسل جي هلندڙ سال ترقياتي اسڪيمن لاءِ 26 ڪروڙ 51 لک ٻارنھن هزار 626 روپيا ضلعي ڪائونسل جي وڪيل ۽ ڪورٽ فيس لاءِ 45 لک رپيا ضلعي ڪائونسل جي سمورين برانچن جي خرچ لاءِ هڪ ڪروڙ 75 لک رپيا نون ترقياتي ڪمن جي لاءِ 16 ڪروڙ رپيا رکيا ويا آهن اجلاس کي خطاب ڪندي ضلعي ڪائونسل جي چيئرمين سهيل اختر عباسي چيو ته ضلعي ڪائونسل جي اصل آمدني او زي ٽي شيئر ضلعي ڪائونسل جا ٽئڪس ۽ مسواڙون وغيره آهن هن چيو ته اسپيشل گرانٽ توِڙي نين ٺهندڙ آفيس جي گرانٽ لاءِ سنڌ حڪومت کي درخواست ڪئي آهي اميد ته وڌيڪ فنڊ ملندا ۽ وڌيڪ ترقياتي ڪم ڪرائي عوام جي خدمت ڪنداسين اجلاس ۾ بحث بعد يڪراءِ بجيٽ پيش ڪئي وئي