نوشهروفيروز ۾ سنڌ پوليس ۾ ڀرتي لاءِ ٽيسٽ پاس ڪندڙ اميدوارن جو احتجاج

فزيڪل، رٽن ۽ ٻين مرحلن ۾ ڪاميابي سان پاس ٿيڻ باوجود آفر آڊر نٿا ڏنا وڃن: اميدوار

نوشھرو فيروز(ڊ ر) سنڌ پوليس SPD-01 ۾ پاس ٿيل اميدوارن پاران پريس ڪلب نوشھرو فيروز اڳيان سخت احتجاج ڪيو ويو، جتي مظاھرين هٿن ۾ بينر ۽ پلي ڪارڊ کڻي ميرٽ تي آفر آڊر جاري ڪرڻ جو مطالبو ڪيو احتجاج جي اڳواڻي عتيق الرحمان وسطڙو، عدنان احمد، اسد رند، ارسلان پيرزاده، احسان شاهه، سھيل احمد، عدنان ملڪ، اويس پنھور، ساحل وسطڙو ۽ ٻين ڪئي.ان موقعي تي مظاھرين ميڊيا سان ڳالهائيندي چيو ته اسان فزيڪل، رٽن ۽ ٻين مرحلن ۾ ڪاميابي سان پاس ٿيا آهيون، ان باوجود اسان کي آفر آڊر نٿا ڏنا وڃن.انهن ٻڌايو ته ڪالھ ڪراچي پريس ڪلب اڳيان پرامن احتجاج دوران پوليس نوجوانن مٿان لاٺي چارج ڪري ڪيترن ئي نوجوانن کي گرفتار ڪيو، جيڪو سراسر زيادتي آهي مظاھرين وڌيڪ چيو ته اسان جي عمر به وڌي رهي آهي ۽ هاڻي اسان اور ايج ٿي رهيا آهيون، جنهن سبب اسان جي مستقبل سان کيڏيو پيو وڃي. هنن چيف منسٽر سنڌ، گھرو وزيرسنڌ ، آءِ جي سنڌ ۽ ٻين اعليٰ اختيارين کان مطالبو ڪيو ته ويٽنگ لسٽ ۾ موجود سڀني پاس ٿيل اميدوارن کي جلد آفر آڊر جاري ڪيا وڃن، جيئن نوجوانن ۾ پيدا ٿيل بيچيني ختم ٿي سگهي. ٻي صورت ۾ مظاهرين پوري سنڌ ۾ احتجاج جو دائرو وڌائڻ ۽ احتجاجي ڪال ڏيڻ جو اعلان پڻ ڪيو