عمرڪوٽ ۾ سيد ۽ ڪولهي برادري جو بااثرن خلاف ڌار ڌار احتجاج

هوتو ۽ ڪانجي ڪولهي ڪوڙا دستاويز ٺهرائي اسان جون زمينون ۽ پلاٽ وڪڻي ڇڏيا آهن: مظاهرين

عمرڪوٽ(ڊ ر) عمرڪوٽ ڀرسان ڳوٺ کيجراڙي جي سيد برادري جي پريس ڪانفرنس ۽ ڪولھي برادري پاران احتجاجي مظاھرو سخت نعريبازي ڪئي ويئي خبر موجب عمرڪوٽ ڀرسان ڳوٺ کيجراڙي جي رھواسي سيد برادري جي ولي محمد شاھ شبير شاھ عباس علي ۽ عبدالرحمان شاھ پريس ڪانفرنس ڪندي چيو آھي ته ڳوٺ وھرو لڳ ڪانجي ۽ ھوتو ڪولھي اسانجي زمين جا ڪوڙا دستاويز ٺاھي ڪيترائي پلاٽ غيرقانوني طور وڪرو ڪيا آھن اسان تي حملي ۽ گھر ڊاھڻ جا ڪوڙا الزام ھنيا پيا وڃن ھنن چيو ته ڪانجي ۽ ھوتو ڪولھي جو ڪم ئي ڪوڙيون درخواستون ڪري اٻوجھ عوام کي بليڪ ميل ڪرڻ آھي ۽ ھنن اسان تي اڳ ۾ به ڪوڙا ڪيس داخل ڪرايا پر مقامي عدالت اسان سان انصاف ڪيو ۽ بري ڪيو آھي جنھن جو رڪارڊ پڻ موجود آھي ۽ اختياريون نوٽيس وٺن جڏھن ته ڳوٺ وھرو باء پاس جي رھواسي ڪولھي برادري پريس ڪلب عمرڪوٽ آڏو احتجاجي مظاھرو ڪري ھوتو ۽ ڪانجي ڪولھي خلاف سخت نعريبازي ڪئي ۽ مٿن مبينه طور ڳوٺ جي پلاٽن تي قبضا ڪرڻ جا الزام ھنيا ان موقعي تي رائيدو ڪولھي مڪيو ڪولھي جيٺو ڪولھي ۽ ٻين جي اڳواڻي ۾ ڪولھي برادري ھٿن ۾ پلي ڪارڊ کڻي سخت احتجاج ڪندي چيو ته اسان جي پلاٽن کي ھوتو ۽ ڪانجي ڪولھي مبينه ڪوڙن دستاويزن سان وڪرو ڪري اسانکي حراسان ڪن ٿا اختياريون نوٽيس وٺن ھنن مطالبو ڪندي چيو ته ھوتو ڪولھي ڪانجي ڪولھي خلاف ڪارروائي ڪري انصاف ڏياريو وڃي