ڪراچي ۾ فائر سيفٽي ۽ تحفظ بابت آگاهي سيشن، راجوير سنگھ سوڍو خاص مهمان طور شريڪ

ڪراچي/ عمرڪوٽ (رپورٽ:ڪانجي مل رکيسر) راجوير سنگھ سوڍو اسپيشل اسسٽنٽ وڏو وزير سنڌ براءِ انساني حقوق، وفاق ايوان صنعت و تجارت پاڪستان (FPCCI) جي سينٽرل اسٽينڊنگ ڪميٽي براءِ ويمن ايجوڪيشن اينڊ ٽريننگ ۽ جسٽس هيلپ لائين انٽرنيشنل جي سهڪار سان منعقده فائر سيفٽي ۽ تحفظ بابت آگاهي سيشن ۽ تربيت پروگرام ۾ خصوصي مهمان طور شرڪت ڪئي، هي تقريب FPCCI جي آفيس ڪراچي ۾ منعقد ڪئي وئي، جنهن جو مقصد عوام، خاص ڪري عورتن، کي باهه جي حادثن کان بچاءَ بابت شعور ڏيڻ ۽ حفاظتي طريقا سيکارڻ هو، تقريب ۾ مختلف شعبن جا ماهر ۽ پروفيشنلز شريڪ ٿيا جن ۾ ڊاڪٽر محمد عمران تاج ماسٽر ٽرينر ۽ صدر، فائر انڊسٽري پاڪستان، ايڊووڪيٽ نديم شيخ، اهم مهمان ۽ صدر، جسٽس هيلپ لائين انٽرنيشنل، ۽ لطافت محمود ڊپٽي جنرل مئنيجر، پي آءِ اي شامل هئا، راجوير سنگھ سوڍو پنهنجي خطاب دوران انساني حياتي جي تحفظ لاءِ فائر سيفٽي جي اهميت تي زور ڏيندي چيو ته اهڙا آگاهي پروگرام ماڻهن ۾ شعور پيدا ڪن ٿا، جيڪي زندگيون بچائڻ ۾ مددگار ٿين ٿا، هن FPCCI ۽ جسٽس هيلپ لائين انٽرنيشنل جي هن سٺي قدم کي ساراهيو، تقريب جي پڄاڻي تي شرڪت ڪندڙن کي سرٽيفڪيٽ پڻ ڏنا ويا.