اوورسیز پاکستانیوں سے متعلق بیان پر واسع چوہدری اور سارہ نیلم نے معافی مانگ لی

پاکستانی اداکار و میزبان واسع چوہدری اور ماڈل سارہ نیلم نے نجی ٹی وی شو کے دوران اوورسیز پاکستانیوں سے متعلق دیے گئے نامناسب بیان پر معافی مانگ لی۔ حال ہی میں ماڈل سارہ نیلم پیپلزپارٹی کے رہنما اعتزاز احسن کے ہمراہ نجی ٹی وی شو میں شریک ہوئی تھیں۔ اس دوران ماڈل سارہ نیلم کا کہنا تھا کہ ’بیرون ملک سے آئے لوگ پاکستان میں سفید کاٹن کا سوٹ پہن لیتے ہیں اور کہتے ہیں ہم باہر سے آئے لیکن شاید یہ پاکستانی باہر واش روم صاف کررہے ہوتے ہیں‘۔