بھارتی عدالت نے پاکستانی فنکاروں پر پابندی کی درخواست مسترد کر دی

ممبئی (ویب ڈیسک) ایک اہم فیصلے میں ممبئی ہائی کورٹ نے پاکستانی فنکاروں کے بھارت میں کام کرنے پر پابندی کی درخواست مسترد کر دی ہے۔
سینما کارکن فیض انور قریشی کی جانب سے عدالت میں درخواست دائر کی گئی تھی جس میں بھارتی حکومت سے پاکستانی فنکاروں کے بھارت میں کام کرنے پر پابندی لگانے کی درخواست کی گئی تھی۔
بھارتی میڈیا کے مطابق ہائی کورٹ نے درخواست مسترد کرتے ہوئے فنکاروں کے ذریعے امن کو فروغ دینے اور ثقافتی ہم آہنگی پھیلانے کی ضرورت پر زور دیا۔
عدالت نے اپنے فیصلے میں لکھا کہ آرٹ، موسیقی، کھیل، ثقافت اور رقص ایسی سرگرمیاں ہیں جو قومیت سے بالاتر ہونی چاہئیں
اور معاشرے کے اندر امن اور اتحاد کے ذریعے پھیلنی چاہئیں۔
فیصلے میں یہ بھی کہا گیا ہے کہ محب وطن ہونے کا تقاضا پڑوسی ملک سے نفرت اور دشمنی نہیں بلکہ سچا محب وطن وہ ہے جو اپنے ملک کی بے لوث خدمت کرے۔