غزہ کا مکمل محاصرہ بین الاقوامی قانون کے تحت ممنوع ہے: اقوام متحدہ

نیویارک (ویب ڈیسک) اقوام متحدہ کے انسانی حقوق کے سربراہ نے کہا ہے کہ اسرائیل کا غزہ کی پٹی کا مکمل محاصرہ بین الاقوامی قوانین کے تحت ممنوع ہے۔

اقوام متحدہ کے ہائی کمشنر برائے انسانی حقوق نے فریقین سے تناؤ کم کرنے کا مطالبہ کیا

اور کہا کہ لوگوں کے وقار اور جانوں کا احترام کیا جانا چاہیے۔

انہوں نے اپنے دفتر کی طرف سے جمع کرائی گئی معلومات کا حوالہ دیتے ہوئے کہا کہ اسرائیل نے غزہ میں رہائشی عمارتوں کو فضائی حملوں میں نشانہ بنایا ہے، جن میں اسکول اور اقوام متحدہ کی عمارتیں بھی شامل ہیں، جس کے نتیجے میں عام شہری ہلاک ہوئے ہیں۔

ان کے مطابق، بین الاقوامی انسانی قانون واضح ہے کہ شہری آبادی اور شہری اشیاء کے تحفظ کے لیے مسلسل دیکھ بھال کی ذمہ داری حملوں کے دوران بھی لاگو ہوتی ہے۔