سب کو الیکشن کا چاند مبارک، سپریم کورٹ مداخلت نہ کرتی تو بہتر ہوتا، بلاول بھٹو زرداری

کراچی؛ پیپلزپارٹی کے چیئرمین بلاول بھٹو زرداری نے کہا ہے کہ الیکشن کا چاند سب کو مبارک ہے، عام انتخابات کا اعلان بڑی کامیابی ہے۔
بلاول بھٹو زرداری نے کراچی میں صحافیوں سے گفتگو کرتے ہوئے کہا کہ انتخابات 8 فروری کو ہونے چاہئیں، سپریم کورٹ مداخلت نہ کرتی تو بہتر ہوتا۔
انہوں نے کہا کہ اصولی طور پر ہر سیاسی جماعت کو لیول پلیئنگ فیلڈ ہونا چاہیے،
اگلی حکومت پیپلز پارٹی بنائے گی، پیپلز پارٹی نے پی ٹی آئی سے اتحاد کا فیصلہ نہیں کیا، جمہوریت کے لیے تمام جماعتیں اپنا کردار ادا کریں۔
انہوں نے کہا کہ اسرائیل فلسطین میں نسل کشی کر رہا ہے، ہم سوشل میڈیا پر فلسطینیوں کی نسل کشی دیکھ رہے ہیں،
دنیا کے حکمران خاموش ہیں لیکن عوام نہیں۔