ملير مان4 مهينا اڳ اغوا ٿيل سيڪيورٽي گارڊ آزاد ٿي گهر پهچي ويو

ملير (رپورٽ: عبدالرشيد مورجھريو) ملير مان4 مهينا اڳ اغوا ٿي ويل سيڪيورٽي گارڊ ڪشمور جي ڪچي مان آزاد ٿي گهر پهچي ويو، گهر ۾ عيد جهڙو ماحول، منهنجي ڀاءُ کي ڌاڙيلن پاڻمرادو آزاد ڪيو آهي پوليس ڪنهن به قسم جي مدد نه ڪئي، اسماعيل کوسو جون صحافين سان ڳالهيون تفصيل موجب : ملير جي لنڪ روڊ بخشو جوکيو ڳوٺ جي رهواسي سيڪيورٽي گارڊ سهيل کوسو کي 4 مهينا اڳ ڌاڙيل اغوا ڪري ڪشمور جي ڪچي ۾ لڪائي ڇڏيو هو 1 ڪروڙ رپين جو ڀنگ طلب ڪرڻ لاءِ بدترين تشدد جو نشانو بڻايو هو جيڪو گذريل ڏينهن آزاد ٿي گهر پهچي ويو ان سلسلي ۾ سندس ڀاءُ اسماعيل کوسو ٻڌايو ته منهنجو ڀاءُ سهيل کوسو 4 مهينن بعد بازياب ٿي جيڪب آباد گهر پهتو آهي پوليس سميت ڪنهن به مدد نه ڪئي امڙ سنڌ بلوچستان ۾ پاڪ ڪتاب کڻي گهمايو ڌاڙيلن رحم کائي آزاد ڪيو آهي هن چيو ته 1 ڪروڙ روپيا ڀنگ طلب ڪيو ويو هو پئسا نه هئا امڙ روئي روئي پاڪ ڪتاب کڻي پٽ جي آزادي لاءِ گھمندي رهي.