حيدرآباد جي مختلف علائقن مان ٽن ڄڻن جا لاش هٿ

حيدرآباد (بيورو) حيدرآباد جي مختلف علائقن مان ٽي لاش هٿ آيا آهن۔ ٻن لاشن جي سڃاڻپ نه ٿي سگهي آهي۔ ٻه لاش اسپتال منتقل ڪيا ويا جڏهن ته هڪ لاش کي ايڌي رضاڪارن معرفت دفنايو ويو آهي۔ هڪ لاش حالي روڊ رينجرز هيڊ ڪوارٽر فلور ملز وٽان هٿ آيو۔ فوتي جي سڃاڻپ 28 سالن جي اڪرم ولد انور رهندڙ حالي روڊ طور ٿي۔ ٻيو لاش ٽنڊو ولي محمد جي انجمن هال وٽان هٿ آيو۔ فوتي جي عمر 48 سال ٻڌائي پئي وڃي۔ لاش جي سڃاڻپ نه ٿي سگهي آهي۔ٽيون لاش سيري ٿاڻي جي حد ۾ واھ مان هٿ آيو۔ فوتي جي عمر 40 سالن کان مٿي ٻڌائي پئي وڃي۔ پاڻي مان هٿ آيل لاشجي سڃاڻپ نه ٿي آهي جنهنکي ايڌي رضاڪارن معرفت دفنايو ويو آهي۔ ٻه لاش اسپتال منتقل ڪيا ويا آهن۔